結婚前的生日，收到好多份禮物呀，多謝晒我 d 好朋友咁錫我呀！
Pooh 袋 + Pooh 原子筆係寶寶同 Cathy 夾份送嘅
Pooh 相簿 + 耳環就係 Cathy 個人送嘅
神話 Minwoo 嘅帽同埋 Puzzle + Sticker 係阿翠送嘅
散子包係 wing wing 送嘅
下面幾份實用嘅就係 Jan Jan 送嘅
1. 毛巾 2.餅乾 3.真空儲物袋 4. Pooh 吸油紙 5. Pooh 扭蛋
今日放下午，先返入元朗食我最愛的擔擔麵
跟著就坐巴士去落馬州過去福田食晚飯 ，古古之前去過大漁食日式燒烤自助餐話幾抵食，所以佢就帶我去試
呢度真係幾受香港人歡迎喎，相信佔左7-8成都係香港人黎架，仲要未夠 6:00 已經 full 咁滯‥‥
食物嘅種類雖然唔係好多，但叫做樣樣都有啦，個人覺得好食過普通自助餐啦
呢晚真係過得好開心呀，有古古陪我過生日，唔需要貴重的禮物及華麗的場所都已經覺得好幸福啦！
返到屋企，古古攞左一樣嘢出黎送俾我，係一塊心型石黎架，佢話呢塊石係佢10歲左右搵到架，心型係佢自己加工整出黎嘅，佢一直收藏得好好話係準備送俾未來老婆嘅 (即係我啦) ，因為我中文名讀音係心，所以我亦特別鍾意心型嘅嘢，我收到呢份禮物時有一種感覺，覺得我同古古嘅相識就像上天註定了一樣，你送我一顆心，我亦把我的心獻給你。
古古‥‥多謝你一直咁愛護我、包容我，讓我成為一個幸福的小女人，曾經‥對自己完全失去信心，是你讓我知道，原來世界上還是有人值得我去信任及全心全意地去愛的，那個人‥就是你！
