Story & Sammy & Nicole 的三人世界: 5月 2010

2010年5月26日星期三

2010-04-06 西貢．海港城． 1881 w/ brother

2010-04-06 (星期二)

上個月頭，趁有一日復活節補假，約咗阿哥去西貢影相．．

阿哥唔知我買咗部單反，起先仲奇怪點解我用傻瓜機都咁有興緻去影相？？

原來我哋都係用 500D 架，但佢啲鏡頭就靚好多囉．．．．我就要有多餘錢先投資落去啦，因為要開始儲定奶粉錢，唔可以亂使錢啦。。

經濟髮廊？有幾經濟先？唔通10蚊剪個髮？？

西貢碼頭條長廊真係狗狗的天堂呀，咩品種都有，當日見到有一對 couple 拖著一竇應該有成10隻的玩具貴婦响度玩，超多人圍觀呀，好似睇表演咁。。。

另外又捕捉到好多好 sweet 好 warm 嘅 moment。。

行到咁上下，又走咗去搵嘢吃．．

嘩哈哈。。我呢個大嚿森梗係要食返個大嚿豬．．．扒飽啦。。

不過．．實在太大個啦，好彩阿哥幫我食一半啫~

行完西貢，出返去尖沙咀，行下活方、海港城、1881 等商場．．．

撞啱海港城呢期擺咗幾棵櫻花樹响度，呵呵，阿哥同我都係咁狂影呀！

1881 嘅夜景好靚呀~

行到 8點左右，同阿哥一齊過咗去佐敦搵我老公一齊吃飯

呢日真係過得非常充實呀！

留言者: 愛神話的人
Email: bbevaeva@yahoo.com.hk
網址:
日期: 2010-05-27 18:57:00

WA, 個包好大啊 ^^
d 相都好靚 ^^

2010年5月25日星期二

2010-05-23 踩單車．預祝三週年．YLK

2010-05-23 (星期日)

本來有好多地方想去，但見天色嘛嘛哋，最後決定近近哋踩單車去濕地公園，踩咗一陣開始落雨添，响天橋底避下雨、影下相先．．．

細雨啲再繼續踩．．．去到濕地公園附近又開始落雨．．．

決定唔入去啦，等下次好天再去過．．

繼續踩入天水圍啦~

經過類似城門河的一條河，遠睇啲水都唔覺好污濁。。

踩著單車，我單手都幫老公影到相，犀利掛 ~！！

踩到入天盛苑，見到有間阿菠蘿，嘩．．即時雙眼發晒光啦我．．

最愛的乳酪雪糕，老公的紐西蘭藍莓好好味啊~

我支 strawberry 就 ok 啦。。

回程快過去程好多，好快屋企已經出現在眼前啦。。

第一次响屋苑門口影相。。

返屋企沖個涼，抖一陣．．．

六點幾就散步出去食飯，

老公的芝士焗生蠔配羊扒。。

我的大蝦龍利柳．．

再加個豬頸肉薄餅。。

除咗餐廳多啲蚊嗞外，基本上都幾滿意啦，

老公>>>>> 三週年快樂啊！

食飽後去咗幫姑仔安裝 ROUTER，阿 C 好乖呀，不過玩咗一陣佢又走返去瞓 lu ~

下次再同你玩過呀吓~

留言者: 布綠瓊
Email: storykao@yahoo.com.hk
網址:
日期: 2010-05-27 11:39:00

期待四週年的時刻!
[版主回覆05/27/2010 12:51:00]希望四週年多個人一齊慶祝啦~

2010-05-15 西九海濱長廊 + 圓方 ~ 第一次約會紀念日

2010-05-15 (星期六)

踏入 5月份，紀念日一個接一個，呢一日就係我哋第一次單獨約會嘅紀念日．。

做完 facial 出去等老公收工，第一次行西九海濱．．．

感覺都幾荒蕪下．．

一路行入去吹著海風．．慢慢感覺幾舒服．．

裡面有單車租，見到好多一家大細 & 小朋友踩單車玩得好開心。。

行返出去圓方 (Elements) 嘆返個 Tea 先．．

Hea 到咁上下，行過去 "王家沙" 開餐 lu ~

三絲粉皮．蟹粉小籠包．酸辣湯．芝麻肉鬆餅．話梅骨．

樣樣都好好味呀！

特別係話梅骨，如果要嚟送飯會仲正，酸酸甜甜咁，好惹味．．老公係都唔肯食裡面啲梅，佢話驚變超人喎 @@

商場呢期放咗架水晶 BENZ 响度，現場睇好閃架，全架車都係水晶，真係好浮誇呀！

2010年5月20日星期四

選購洗衣機之速戰速決

2010-05-19 (星期三)

星期日開機洗衫．．之後全神貫注在上網．．

過咗個幾鐘後走去晾衫．．．咦？？？點解有啲衫咁乾身嘅？

睇真啲，啲衫根本冇洗過咁滯。。。

再放返入去洗先發現，原來部機 shot shot 哋攪唔郁呀．．

最後要分開幾次先洗得晒，仲要一機只可以洗幾件咋。。

老公話都係時候要換部新啦，買樓跟的原裝機兼上手業主用過幾年，壽命都差不多啦~

到星期二，老公再開機洗衫發覺都係唔掂，又係幾件都攪唔郁啦．．

決定第二日就去睇下啲機。

星期三放工，返入元朗同老公食完飯就去 "X 澤" 睇機．．

目標都係買返歐洲機，因為放响廚房一定要買返大眼仔．．

老公本來心儀金 "張" 架，後來問下 SALE 姐姐意見，佢都話呢個牌子用料同埋口碑比其他牌子好，價錢當然相對比較貴啦，之後佢再介紹另一牌子 ELECTROXXXX ，話同金 "張" 嘅用料設計等都幾乎一樣嘅，金"張" 機都係比 ELECTORXXXX 間廠生產咁話，仲話好多酒店都係用呢隻機，價錢比金"張"平幾百蚊添，加上 "X澤" 依家買機送電子相架一個，老公話兩個牌子佢都聽過而且都幾出名，佢啲同事都話用得過，絕對好過 "惠X浦" 咁話，咁我哋最後就決定買 ELECTROXXXX 嘞，做埋 24個月免息分期每個月都係 200 幾蚊，唔使一次過比幾千銀真係爽呀。。約埋星期六送貨，仲可以幫我哋掉埋部舊機，唔使煩。

呢幾日就冇得洗衫啦，不過反正呢幾日都落雨，點都係冇得洗衫架啦。。。