2010-03-23 (星期二)
不經不覺,當上人家老婆已經100天了…
習慣了每天下班不是回娘家…
習慣了自己做家務…
習慣了每天等老公放工回來…
慶幸沒有太多事要去適應的~
唯獨是對自己的身形開始不習慣……
結婚前減掉的10磅都回來了,還創下了新數字呢!
或者…我要嘗試習慣每天落去會所做運動了??
2010-03-23 (星期二)
不經不覺,當上人家老婆已經100天了…
習慣了每天下班不是回娘家…
習慣了自己做家務…
習慣了每天等老公放工回來…
慶幸沒有太多事要去適應的~
唯獨是對自己的身形開始不習慣……
結婚前減掉的10磅都回來了,還創下了新數字呢!
或者…我要嘗試習慣每天落去會所做運動了??
2009-12-13 (星期日)
早上7時許,老公和兄弟們準備佈置花車…


有幾位兄弟住在港島區都一早就入到嚟元朗,真係辛苦晒佢哋呢~
眾兄弟們在佈置花車中……

老公每樣事都親力親為,絕不馬虎,給你十個叻~


兩個活寶後來開始唔正經啦,明哥仔你係咪預演緊同女友求婚啊??


老公派利是給兄弟們,感激佢哋義不容辭的幫忙~

左一的 coolman 夜晚撞咗期嚟唔到我哋嘅婚宴,但早上都來幫手做兄弟,真係十分之唔話得啊~ 佢也將成為 2010 準新郎呢,恭喜晒啊~

成班兄弟都係港英政府時期的防衛軍人,當然要穿著整齊制服來參加佢哋嘅好兄弟....我嘅老公嘅婚禮啦~

老公準備出發了,紮花係咪好靚呢?我就覺得好靚嘞,呵呵~!

一切準備就緒,兄弟姊妹大戰即將展開~

2010-03-13 (星期六)
今天是我跟老公結婚 3個月紀念日。。
但是今天……我的心情卻很沉重!
完全沒想過會出現的狀況,卻真的發生了……
中午接到哥哥的 SMS ,問我下午有沒有空見面,
一直以來跟哥哥的感情不算太親切,或許是大家都比較內斂吧,
所以突然接到他的信息便心知不妙了,很擔心…很擔心是發生了什麼事……
約好在尖沙咀見面,他告訴我……嫂嫂想跟他分開,
原因太概是性格不合……
也許是大家的性格也比較火爆吧,工作壓力太大也是主要的因素,
聽到他言語間的無奈,神情的憔悴,我的心裡很是難過……
哥哥希望我能守秘密,先別告訴媽媽,他不希望讓媽媽擔心,
我跟他說不要輕易放棄這段感情,先讓大家冷靜地思考一段時間也是好的,
但是也別放得太開,我怕嫂嫂會認為他一點也不著緊呢,
哥哥想得很悲觀,認定嫂嫂去意已決,覺得就算勉強要她留下來也不會有幸福…
他已作了最壞的打算,還她自由……
2010-03-12 (星期五)
結婚至今,明天就滿三個月了,終於下定決心要回顧一下我們婚禮的點點滴滴,有緣看到這些片段的朋友們,希望你們也能感受到我倆的喜悅~
時光倒流 1312 出嫁當日 ………
2009-12-13 (星期日)
大日子那天,大清早 5:30 就起床了,其實只睡了一個鐘頭而已,婚前大家都提醒我要早些睡,自己也是這樣想的,但由於實在有太多事未完成,包括 guest list、姊妹手花、簽名筆等等…… 能有一個小時睡一睡也算萬幸了,我還以為要通宵不能睡呢!!
還來不及梳洗,已收到 MUA - Wendy 的來電問我家怎樣來了,接著還接到其餘三位化妝助手的來電,四位陸陸續續在6:30前都已經到達我家,當時姊妹們一個都未到,好欣賞她們這麼準時,印象分增加了不少。
沒有太多的佈置,只是在門外掛了兩個囍字拉花,已經很有囍慶的氣氛了。

Wendy 開始幫我化妝 set 頭,接著攝影及攝錄師相繼抵達,為我拍下珍貴的片段。

姊妹們在 7時後亦相繼到達了,馬上分組化妝及準備接新娘遊戲,遊戲雖然不太特別,但對於老公兄弟們已是足夠了,皆因他們年紀也不少了,不是太熱衷於玩這些,基本上都是老公一個人在作戰,還好沒有太高的難度,要不然見到老公這麼辛苦我會心痛呢!


一生人只穿一次的裙褂、鏽花鞋,還有充滿著父母親及家姐的愛的龍鳳鐲……

姊妹們都打扮得漂漂亮亮地等待著兄弟們的到來,
幾乎一夜沒睡才完成的手花,希望姊姊們都喜歡啦。

至愛的爸爸、媽媽、家姐,感謝您們這麼多年來的照顧及無盡的愛,總是讓您們擔心的我終於長大成人要嫁人啦。

待嫁姑娘都準備好了,男家那邊不知準備好未呢?
下篇將公開男家準備的珍貴鏡頭~
~待續
2010-03-11 (星期四)

今朝睇報紙見到 OK 又有新搞作,
儲印花滿 100 分可以換 POOH 公仔一隻,
呀!!好得意好想要呀,BUT……….……
我家下唔去呢間買嘢囉 BO~ 就算特登去都只係會買早餐,但都買唔到 $20 架!!
唉~ 算啦,安慰自己…… 鍾意並唔需要一定擁有嘅,屋企已經有好多 POOH POOH 啦嘛,做人要知足呀知道嗎??
其實經過一輪魔鬼與天使的鬥爭後我已經決定放棄架啦,無謂 "side" 錢去換啦,前兩年响 7仔換嗰啲 POOH 磁貼依家都係得個擺字咋嘛~
不過……真係好得意啊~
2010-03-09 (星期二)
放工响超市買餸返屋企,
好簡單咁買咗雞翼、薯仔 & 菜心,
7:00 左右就返到溫暖的家了 (外面真係好鬼凍呀),
打開門點解黑嘛嘛嘅?明明老公已經返咗嚟架?!!
呵~ 原來佢响梳化瞓著咗,仲不知瞓得幾冧添呀,
終於佢都俾我噪醒咗,我見佢只係襟著一張單薄嘅冷氣被,
就拎多張毛毯比佢,於是佢有佢繼續瞓,我有我去煮飯仔,
最後一個鐘左右就煮好餐飯啦 (( 雖然只有兩個餸 )) ,
就係咖喱薯仔雞翼 & 灼菜心嘞
由於又凍又肚餓嘅關係,今餐我破例冇影相 (平時嘅我一定影影影先開餐架嘛)
再每人沖一杯好立克飲,
wow ~ 暖笠笠,好正呀!
*************************
食飽飽,兩兜友仔又繼續稱王稱后了
係睡覺王 & 睡覺后啊~ 哈哈
2010-02-28 (星期日)
今日係元宵佳節,亦係我婚後第一次的生日,老公一早請定假同我慶祝,我哋先去彪記食咗美味又豐富嘅午餐,兩個人食咗四碗嘢,呢度嘅清湯腩好出名,最出名嘅邊腩更好快就會賣晒,由於我哋今日早咗嚟排隊等佢開門,所以好順利咁食到邊腩 & 肥腩,牛丸都非常美味,好彈牙,牛肉味好濃,wow~呢餐真係食得好滿足呀,飽到攬著個肚走,老公話今日個肥腩好食啲呢!

之後去咗 PXXW 攪攪老公部新手機,佢部舊手機同我嗰部都成鬼日 hang 機,早排就打電話去問下有冇咩新優惠啦,咁啱續約加轉 plan 就可以免費出部新機,尋晚終於收到啦,不過唔知點解上唔到 3G 個網,去到門市攪咗一輪都係攪唔掂,最後開過張新 SIM 卡先 OK,不過舊機嘅電話簿就轉唔到過新機度,佢哋話係部舊機有問題,咁我哋就唯有逐步 key 番啲電話 number 去新機啦~
難得今日風和日麗、天青氣朗,我哋決定重遊婚紗照拍攝地點 --- 珀麗灣,今次選擇在荃灣坐船入去,一出西鐵站就見到碼頭,非常之方便呀,船費都只係 $10,第時得閒就入去行下都唔錯喎。



好快就到咗珀麗灣啦,今日都幾多人喎,經過沙灘見到有新人在拍婚紗照,亦勾起我舊年嚟呢度影相嘅回憶,等我哋都影返幾張合照先~



老公响沙灘上畫咗心心比我,仲有今日嘅日期~


繼續行去馬灣公園,途徑呢條橋底有好多海鷗,叫老公幫我影張相,哈哈,影出感覺似唔似坐响馬桶上面呀?!

公園嘅入口設有由青草砌成的日期,2010年2月28日我曾到此一遊啊~

上次我哋冇上到山上面的鳥望台,今次點都要上去見識下嘅,沿途有一個區域叫 “澳洲園” 等我地同袋鼠影返張相先,哈哈呢隻當然係假的,不過我早年真係响澳洲同袋鼠、樹熊影過相架,有機會真係想同老公再去多次呢~

終於上到鳥望台啦,呢度 “裝置了100支白色長木條,外形像白鴿向天空飛翔,代表向世界宣揚愛與和平,可遠眺汲水門大橋景色。”

呢個鸚鵡螺上次我哋都冇影到,見其他 blogger 影出來的相都好靚架,等我又响度影返張先啦~

還有 “以風琴式牆壁設計彩虹牆,結合了10名意大利藝術家創作主題為愛的14幅壁畫。” 由於橙色係我嘅王至愛,而且顏色鮮艷奪目,所以我哋都要咗好幾張以呢度為背景的婚紗相啊~



“意中園以成長歷程為設計意念,花徑的長廊代表人生每個階段,花徑的末端裝置了一個大鐘,寓意要珍惜光陰。”
我們的油畫就是在這裡拍的了~
臨走前發現行人路的木地板上有些心心圖案,叫老公幫我影咗幾張相,好喜歡這樣的構圖,充滿了愛的感覺~

回程坐車出返去青衣,晚餐老公在 “鐵人中國料理” 訂咗位,我哋 order 嘅呢個餐有8個餸,基本上都幾好食,老公就話麻麻哋,佢話碟雞好淡冇乜味,我就略嫌佢唔夠滑,最後老公 order 咗兩隻壽包同我慶祝 3X 的生日,今年唔食蛋糕,食壽包都幾特別啊~
