2009年10月14日 星期三

Kathy & Raymond's Wedding

2009-10-2 (星期五)

呢日係古古朋友 ~ Kathy 結婚嘅大日子,放工馬上化妝換衫,火車轉地鐵再轉巴士入去深灣郵艇會,呢個場樓底好高呀,感覺好 grand ,Kathy 今晚真係好靚呀,祝佢地新婚愉快!

同場加映:蔡X健今晚同我地坐埋同一圍,原來佢係新郎嘅同學,佢真人都肥肥地架,可能佢已經唔再做幕前所以冇 keep 啦,佢份人都幾好傾嘅,但都寸寸地架,由於我地呢檯只有我、古古 & 光仔係女家嘅朋友,佢竟然問我地識唔識對新人,係咪白撞入嚟飲呢餐!!! 我頂丫,雖則知道佢係講笑但我對佢嘅印象就大打折扣了,仲令我諗返起佢係擬似咸豬手呢!好想寸番佢問下佢傳聞係咪真架,當然我同古古都係有修養嘅人,絕對唔會講啲傷害人嘅說話嘅~





  • 留言者: Ellen
  • Email: ellenlee820@yahoo.com.hk
  • 網址:
  • 日期: 2009-10-14 04:40:00
你應該問返佢轉頭Y嗎~

笋崗入貨半天遊…… 補充購物清單及價格

2009-09-27 (星期日)

今日終於北上笋崗入貨了,未來老爺奶奶同埋我地一齊去,大約中午左右出發,我地一行四人坐 B1 去落馬州由福田口岸過關,轉地鐵去到大劇院站再轉的士,一個鐘頭多啲就去到了,由於事前已做好資料搜集知道邊間賣嘅嘢又平又靚,所以一去到就先去笋崗三樓 "明發" 掃貨,之後再去百合隆地下嗰間 "立興" 買埋男、女裝睡衣,跪墊就在另一間不記得店名的舖頭買,因為只有呢間個款式啱心水~

以下就係我地嘅戰利品啦~

明發喜慶用品 (地址:羅湖區寶安北路笋崗文具玩具批發市場三樓 3008)

1) 細利是封 (用於入回禮利是) -- RMB6.5 (50個/包)

2) 普通 size 利是封 -- RMB7.5 (50個/包)

3) 啤牌 -- RMB28 (10盒/條)

4) 囍字紙杯 -- RMB 3 (50個/條)

5) 拖鞋 -- RMB 12 / 對

6) 紅傘 -- RMB 15 / 把

7) 上頭用品 -- RMB 10 / 份

8) 禮金封及包羅萬有利是封 -- RMB 3 / 個

9) 長型利是封 -- RMB 2 (6個/包)

10) 對聯 -- RMB 10 / 盒

11) 喜帖封口貼紙 -- RMB 3 (50個/張

12) 花瓣 -- RMB 3 / 包

13) 方形囍字貼 -- RMB 6 (2個0



立興婚慶禮品商行  (地址: 羅湖區寶安北路 2 號百合隆批發市場一樓大廳 102號舖)

1) 男 & 女裝睡衣 -- RMB 55/套



忘了名稱的店鋪 (百合隆一樓正門右手邊)

1) 囍字跪墊 -- RMB 25 / 對 (連芯)

2) 圓形囍字貼 -- RMB 6 / 個






買咗四包花辦,己經好得閒地分開成一塊塊了,不過好似好少咁喎,所以叫咗好姊妹幫我買多幾包~






買完嘢4:30 左右,大家都好肚餓了,諗著喺附近搵嘢食,點知好多間都係 5:00 先開始做晚市呀,最後我地坐地鐵去福民站附近間小肥羊打邊爐~




  • 留言者: Ivy
  • Email: ivy_2580@yahoo.com.hk
  • 網址:
  • 日期: 2009-10-25 18:36:00
你d資料好有用呀....^^
可唔可以add埋我呢...?
[版主回覆10/29/2009 00:38:00]Add 咗妳啦,得閒多啲交流下啦~





  • 留言者: suki
  • Email: ssuukkii999@yahoo.com.hk
  • 網址:
  • 日期: 2009-10-23 09:09:00
Hello ~
雖然我未有人意中人, 但都睇定呢 d 資料, 我已記錄在案啦!待他日有人肯娶我就可以大有用場。 Thanks you so much !! ^ ^
[版主回覆10/29/2009 00:39:00]祝妳早日成為我地一份子  (準新娘子~ )





  • 留言者: Man ting
  • Email: shuntaro_ting@yahoo.com.hk
  • 網址:
  • 日期: 2009-10-16 13:52:00
我都準備去笋崗入貨, 見到你d 資料, 真係好有用. 因為我都係第一次去, 之前仲諗住慢慢一間間睇tim. 有你d 資料, 真係慳番好多時間lu.
你可唔可以 add 我 ??

[版主回覆10/17/2009 01:58:00]Add 咗妳了~
我都係 search 其他 blogger 的資料同埋問我姊妹咋,佢去過笋崗好多次熟晒地頭,佢話最多人去係 "笋崗" 嘅 "鵬鵬" 同埋 "百合隆" 嘅 "立興" ,不過 "鵬鵬" 係超級多人冇人得閒招呼佢喎,佢行晒兩個場都係推介我去 "明發" & "立興" 囉~





  • 留言者: 大N
  • Email: diana105@yahoo.com
  • 網址:
  • 日期: 2009-10-15 13:47:00
我成日聽到人話"百合隆"又話"笋崗", 究竟係咪同一地方o黎?? 如果o係羅湖搭的士, 要搭幾錢倒??
[版主回覆10/17/2009 01:50:00]我姊妹話在羅湖坐的士 RMB 20 左右,話去帝豪酒店多數的士司機都識去,以防萬一最好寫定地址,如果司機聽唔明就俾佢睇 (我去嘅時候都係咁)。其實笋崗&百合隆都係商場名,兩幢building 相距好近。





  • 留言者: Ellen
  • Email: ellenlee820@yahoo.com.hk
  • 網址:
  • 日期: 2009-10-14 23:11:00
明白~





  • 留言者: 大N
  • Email: diana105@yahoo.com
  • 網址:
  • 日期: 2009-10-14 13:12:00
我呢個月尾都想去掃貨, 不過唔知邊間平, 邊間貴...
[版主回覆10/15/2009 13:11:00]好多人都係去百合隆嗰間 "立興" 買,佢啲貨又齊又平,但就好多人呀,我自己大部份喺笋崗三樓間 "明發" 買,再去立興買少少咁囉~ 建議妳準備定張購物清單去執貨,最好帶定個喼去裝貨添呀~





  • 留言者: Ellen
  • Email: ellenlee820@yahoo.com.hk
  • 網址:
  • 日期: 2009-10-14 04:36:00
呢D用品我上年已經買左...不過唔知去哂邊,可能比細妹用埋...
過2日要搵返出黎先得...
如果唔夠要再去買過呀....
係呢,你D利是封係係邊間買ga??
我記得係地下個到有檔專賣利是封既~
係唔係個到呀??
[版主回覆10/14/2009 09:39:00]利是封喺笋崗 3樓嗰間 "明發" 買架,我姊妹話我知呢間利是封質素好啲,同埋唔使講價已經平過其他,入回禮利是細嗰款 RMB6.5/50pc,普通 size 嗰款 RMB7.5/50pc。

DIY ~ Pooh Pooh 簽名筆

Pooh Pooh 簽名筆


買咗 3隻 Pooh Pooh 公仔,初步試做成功,加埋絲帶蝴蝶結就 okay 啦,仲有一隻仲未整,希望下星期攪掂埋佢啦,另外整多 3支花花簽名筆,再額外整多 3支做後備~




  • 留言者: ♡°。黑豬安。°♡
  • Email: cutieringo715@yahoo.com.hk
  • 網址:
  • 日期: 2009-11-22 06:07:00
你真係好有心機...
我宜家仲諗緊整唔整diy~~哇哈哈
[版主回覆12/01/2009 13:10:00]哈哈~多謝呀,我開頭都係威係勢想整呢樣整嗰,依家到尾段時間好多都完成呢~





  • 留言者: 兩公婆
  • Email: winniebear0426@yahoo.com.hk
  • 網址:
  • 日期: 2009-11-13 23:59:00
你個WINNIE THE POOH 好Q呀, 有個心好特別, 我搵左好耐都搵唔到岩既黎買, 最後係收藏品度拎左幾隻出黎做簽名筆, 因為收藏品果D都係好多年前買落, 絕曬牌家啦, 但係出去買唔到, 所以都照用
[版主回覆12/01/2009 13:08:00]我一見到呢個公仔就覺得好適合用來做簽名筆了,好在買得快咋,跟著好快已經賣斷晒啦~





  • 留言者: HEIHEI
  • Email: kahei_ip@yahoo.com.hk
  • 網址:
  • 日期: 2009-10-29 11:28:00
你又記得我喜歡超人茄...???哈哈...!!!!
我都想整....但....搵唔到有公仔啦...唉





  • 留言者: HEIHEI
  • Email: kahei_ip@yahoo.com.hk
  • 網址:
  • 日期: 2009-10-26 22:17:00
好可愛牙....!!!!我都要快D整先得///////哈哈
[版主回覆10/29/2009 00:40:00]妳又整超人簽名筆丫~





  • 留言者: Man ting
  • Email: shuntaro_ting@yahoo.com.hk
  • 網址:
  • 日期: 2009-10-16 13:53:00
你好厲害wor, 不過我想問下你點將隻 pooh pooh stand 係枝筆度 ?
係咪搵熱容鎗整 ?
[版主回覆10/17/2009 00:40:00]係呀用熱溶槍,喺佢 pat pat 同腳仔度滴幾下,再用玫瑰花仔承託著佢,如果唔係佢會搖搖下好唔穩陣架~





  • 留言者: 大N
  • Email: diana105@yahoo.com
  • 網址:
  • 日期: 2009-10-14 13:10:00
好好好.... 得意呀!!!! 你真係好叻呀!!
[版主回覆10/15/2009 13:02:00]其實我唔叻架,呢兩支嘢我都攪咗好耐,開頭有啲擔心用公仔會唔會太低 B 架,但我又好鐘意喎,所以就決定 3支用公仔,3支用絲花,等啲賓客有得選擇囉。

北海道Honey Moon之旅~Confirmed

2009-09-26 (星期六)


今日去了 TST 北京道某旅遊公司 Book 了北海道 Honey Moon 的 Package,16/12 零晨機,25/12 晚返香港,22/12 係未來老公生日,當晚計劃在函館山一邊觀賞夜景,一邊享受燭光晚餐,嘩~好浪漫呢!另外平安夜及X'mas Day 都會在東京,到時就可以過一個白色聖誕了~


 


 


之後去了附近的 1881 行下影下相,然後就返去未來奶奶屋企食飯~




  • 留言者: Niseko2000
  • Email: cywbetty@yahoo.com
  • 網址:
  • 日期: 2009-10-16 16:29:00
我Honeymoon 都係去北海道架..... Hope you have a nice trip!
[版主回覆10/17/2009 00:36:00]謝謝妳的祝福啊~
妳真係好喜愛日本喎,幾乎每年都去一次,如果我在安排行程上有咩疑問咪可以請教妳囉~





  • 留言者: Ellen
  • Email: ellenlee820@yahoo.com.hk
  • 網址:
  • 日期: 2009-10-14 04:40:00
一定好浪漫呀~~
希望到時落dd雪就好嘞~~
[版主回覆10/15/2009 12:59:00]我都係咁話呀,我未見過落雪好期待呀,但千祈唔好落太大,如果唔係去邊都唔方便~

喜帖 、小禮物網袋及 thank you card

2009-09-23 (星期三)


古古今日取了喜帖回家,仲有包裝小禮物的網袋及 Thank you card ,對結婚公仔擺設係送架,好 cutie 呀!


整理埋個名單就可以寫封套了,11月22日過大禮後就可以派帖,即係大日子越來越近了呢!


 




  • 留言者: Ellen
  • Email: ellenlee820@yahoo.com.hk
  • 網址:
  • 日期: 2009-10-14 23:12:00
D帖原本已經印好~
不過個面印少左我地個名~
所以要再印過呀~
[版主回覆10/15/2009 12:56:00]咁應該好快會攪掂啦,唔好唔開心啦~





  • 留言者: 大N
  • Email: diana105@yahoo.com
  • 網址:
  • 日期: 2009-10-14 13:14:00
你張帖好靚~
[版主回覆10/15/2009 12:55:00]多謝啊~





  • 留言者: san
  • Email: yeeyeesan@yahoo.com.hk
  • 網址:
  • 日期: 2009-10-14 07:46:00
你咁快印好既!好快手呀!張帖都幾靚呀!
[版主回覆10/14/2009 09:21:00]多謝呀,我地都好鍾意~
因為有朋友在外地,所以我地特登早啲印好準備寄過去呀,而且下個都過大禮了,早啲收到可以多啲時間準備丫嘛~





  • 留言者: Ellen
  • Email: ellenlee820@yahoo.com.hk
  • 網址:
  • 日期: 2009-10-14 04:33:00
你地好快手呀...
我地仲...
[版主回覆10/14/2009 09:24:00]咁妳哋啲帖幾時會印好呀?

2009年10月13日 星期二

倒數 2 個月



 


2008/11/16 古古向我求婚後開始籌備我們的婚禮


不經不覺快接近一年了


籌備初期總是覺得很多事不用這麼急著要辦


到現在只餘下 2個月的時間了


接下來....月尾要去婚紗店 second trial


下個月就要過大禮了


然後是派發喜帖、Final 試妝、酒席落大訂 & confim 菜單


制定當日 rundown 、 座位表及我的 DIY Project 等等……


感覺到壓力越來越大了


希望我的一股勁能一直維持至大日子當天


好好享受這個過程


到日後回想起來希望是美好的回憶呢~


 



  • 留言者: esther
  • Email: estherfung2006@yahoo.com.hk
  • 網址:
  • 日期: 2009-10-14 00:48:00
一齊努力!加油!
[版主回覆10/14/2009 09:29:00]係呀大家都要加油!又緊張又期待呢!

2009年10月12日 星期一

分享~中式婚宴注意篇

中式婚宴


注意篇


地點


選擇地點,要留意交通是否便利,是否有完善的交通網絡,有沒有足夠的泊車位置,是否鄰近停車場或地鐵站,深宵時分及交通是否充裕等,因為婚宴多至晚上十一、十二點,所以良好的交通網絡,著實是較為方便賓客。


同時,亦要多試幾間酒樓或酒店的中菜部,實地考察一下環境、設施和試食菜式,看看一切是否符合心意。如果席數較多的話,就要留意宴會廳空間是否足夠,有沒有給人壓迫的感覺,宴會廳內有沒有圓柱阻礙視線。同時亦要留意其他配套設施,如新娘房、洗手間、麻雀房、迎賓位置、舞台的設備。當然衛生條件、食物水準及服務質素是選舉一個婚宴場地的必然因素。


時間


若你們擇了的是大吉日,那麼可能會有很多準新人和你們爭著預訂酒席,如果真的碰上這種情況,還是建議新人早點預訂酒席,最好在一年前確定。如果是一些普通的日子,也要在半年前預訂。


人數



通常來說,中式婚宴一圍有十二人,要精確預訂人數,最好在請帖上付上回覆咭,又或是在婚禮前兩星期以電話作實。預訂酒席以邀請人數再打八折為準,一般來說,酒樓酒店都會因應新人要求,及即時情況,就酒席數目作出調整,但加席不能太多,因為有些菜式需要預早準備,但大部份都會預留多兩至三桌的酒席以備不時之需。而確定人數後,就要編排座位,編排座位有助最後更準備。


雜項小費


有些費用在預訂酒席前,最好了解清楚,有什麼雜項小費是不包括在酒席費用之中,一般來說,新人需要問清楚切餅費、開瓶費、鮮花擺設、鵲局、場地佈置、宴前酒會等是否需要額外收取附加費。另外,小費方面,一般以每席100元較多使用,通常在開席前名結脹是分兩次付的,但亦可以以總數的5-10%為準則。


菜式選擇


在預訂酒席前,先了解清楚酒席內菜式的內容,例如乳豬是全體還是切片﹖海上鮮是斑類還是普通鮮魚﹖甜品有那些選擇﹖主要留意是否貨真價實,以及菜式是否你們想要的。


酒水


為了方便計算,最好盡量選擇一些酒水全包宴,因為它只要付了一定數目後,全晚就可以享用指定的飲料。如果新人打算以洋酒或紅酒款客,則建議自行在洋酒行或超級市場訂購,較在酒樓酒店預訂更優惠。


蛋糕


在訂酒席時間清楚有沒有旦糕及切餅服務供應,所提供的旦糕模型還是真旦糕,如果只是提供旦糕型作切餅用,那麼還會否提供西餅或凍餅照呼客人。


場地佈置


一般來說,酒樓酒店都會包括基本的場地佈置,但有時未必合心意,所以最好事前問清楚佈置所包括的範圍,是否包括每桌的花藝擺設,迎賓處的佈置是否包括在內,有了足夠的資料,你們便可以估量是否還有需要向外聘請有關的佈置公司。但尚若最後決定自己聘用其他公司佈置場地,就要問清楚宴會廳內有什麼可為有什麼不可為,避免安排失當而引致的誤會。


餐宴優惠


很多酒樓酒店,都會因應新人所預訂的酒席數目,而送出不同的優惠,最好事前了解清楚,可以把這個放在考慮的因素之中,無形中可以省回不少開支。要注意優惠的期限,以及實用性,否則過多無謂的優惠對新人也沒有多大的幫助。


取消條款


預先查詢清楚,如婚宴需要取消或改期的手續,以及訂金和退款將會如何計算。不同酒樓和酒店也有不同的處理方法,不能一概而論,所以還是事前問清楚較實際。


結賬方式


無論是在酒樓還是酒店預訂酒席,在確定時都需要先付訂金,一般來說,由每席300至500元不等,餘下款項則於婚宴當日付清。事前應了解清楚該場地的結賬方式,除了現金之外,還可否選用其他方式結數,如信用咭、銀行本票、私人支票等,另外,如用信用咭結數的話,又會否徵收付加費。


程序篇


抵達場地


一般來說,一對新人、伴郎伴娘及家人,最好在四時半左右抵達婚宴場地,打點一切,如果需要自行佈置場地的話,就更應派人在三時左右到場。另外,到達會場後,就要再確定一次每人所負責的工作,包括佈置接待處、誰負責收禮金、誰負責招呼客人等,以免屆時出現混亂。


場地佈置


要跟宴會場地的負責人溝通清楚,場地佈置的開始和完成時間,應該要在賓客來臨前完成。還要仔細檢查佈置是否安全,有沒有什麼地方欠缺妥善。


音響及座位編排


要在賓客抵達前檢查好所有音響設備,如有錄像設施的話,就檢查清楚,最好試播一次,以策安全。另外,要把編排坐位的名單張貼好,以及檢查清楚所以檯號是否正確。


回禮小禮物


要決定致送給賓客的回禮小禮物是在接待處致送,還是安放在每一個賓客的座位上,如果是後者,就要在賓客臨前確保所有禮物都擺放好。


保險箱


新娘子在結婚當日會攜帶較大量的名貴首飾,因此大部份酒樓酒店都會提供保險箱給新娘子擺放飾物,而保險箱鎖匙及密碼最好交給信賴的人保管。


親友到達


當親友陸續抵達時,就要安排兄弟姊妹團去照呼客人,協助親友找座位或娛樂,而且亦要安排賓客和一對新人拍照。


宣布入席


當宣布入席後,兄弟姊妹團應盡量協助親友就坐。


新人進場


在結婚進行曲奏起的時候,一對新人除除進場,而兄弟姊妹應帶領賓客站立鼓掌。


切餅


一對新人切餅,然後是合巹交杯,之後再在台上向賓客祝酒,再把事前安排好的旦糕分給賓客享用。


新人致詞


應由新郎先致詞,感謝各親友百忙中抽空出席是次婚禮,更可藉著這個機會,向雙親感謝。另可自行決定新娘子是否致詞。


上菜


開始上菜,由第一道乳豬開始,期間,司儀可安排一些抽獎或遊戲,使宴會氣氛更熱烈。


敬酒


一般來說,在吃完翅之後,新娘子在伴娘的陪同下先換上晚裝,然後再和新郎和伴郎向每席賓客敬酒。敬酒的次序應由雙方父母、長輩、親戚、朋友、同學、同事。一對新人如果自覺不勝酒意,可事前安排以菜式酒,或在敬酒前預先吃點芝士及牛油以防嘔吐。


玩新人


司儀在宣布玩新人後,可以先向在場宴客講解玩法,一般來說,最好安排約四至五個新人個遊戲,而遊戲最可以讓台下的賓客一同參與。一對新人要換上較輕便的服裝,新娘子亦要小心走光,因此最好不要穿太低胸的禮服。


送客


吃完甜品,太部份客人也會準備離去,這個時候,新娘子就要換上另一套晚禮服,和新郎及主人家準備送客。送客時站立位置也有次序,最近門口的是新郎,其次是新娘子、男家父母和女家父母。


結賬


在結賬時,把所有小費同時繳付,而亦應安排一些較精明的親友幫手核數,以免出錯。


編座篇


1) 新人座位應男左女右


2) 伴郎和伴娘坐在新人旁邊


3) 若有聘用大妗姐的話,則應坐在新娘子旁邊


4) 餘下座位就由主婚人、長輩、嘉賓論長幼高低分配


5) 男女各佔一主家席


6) 男女家都應設副主家席


7) 副主家應安排長輩如伯父、舅父或同輩兄弟姐妹就坐


8) 其他賓客席應以男女家左右排列


9) 坐位編排可以: 姊妹團、兄弟團、親戚、同事、同學、教友等分配


10) 適宜在每張台上編上台號,然後把每張台的賓客名單,張貼在宴會廳入口處,清晰易見,亦不易搞亂



  • 留言者: suki
  • Email: ssuukkii999@yahoo.com.hk
  • 網址:
  • 日期: 2009-10-23 09:19:00
請問:  編座篇
1) 新人座位應男左女右
是怎分左右?
是面向台企,再分左與右?
還是企在台上計左與右?
[版主回覆10/23/2009 18:05:00]應該係面向台企分左右 (如下圖)

2009年10月10日 星期六

Hea 咗好耐~ 今日要做番啲正經嘢啦 ~

距離大日子尚有兩個月多 add add ~ 好多嘢都未攪啊~!!


呢個月最開心係 book 咗 Honey Moon 去 北海道 的 package,之後上網勁 search 至抵民宿/Hotel,煩咗一個禮拜終於 book 晒咁多日的 Hotel,可以暫時放低一陣,計劃行程 & 換 Yen 紙等等遲下再攪,宜家要攪下結婚啲嘢先得喇~


一陣放工諗住去深水埗買絲帶、旺角有利買褂鞋、花園街買絲花、再會合埋古古去金都睇下啲花車裝飾及其他物資等等~


有時間仲要去問下過大禮嘅套裝要提早幾耐訂,買海味同埋訂唐餅龍鳳餅等等,仲有仲有……西餅卡都要再補貨啊~數下數下真係超多嘢要攪呢!~@@


 



  • 留言者: 愛神話的人
  • Email: bbevaeva@yahoo.com.hk
  • 網址:
  • 日期: 2009-10-13 15:06:00
正啊, 仲見到 DW & MINWOO ^^
幾年後, 兩公婆一齊去韓國玩下.
之後順便睇下神話 CON ^^
今次我去六日, 2日睇 CON,  四日玩, 好正 ^^





  • 留言者: Ellen
  • Email: ellenlee820@yahoo.com.hk
  • 網址:
  • 日期: 2009-10-13 01:22:00
我地都係自己去呀~
我搵左個朋友幫我攪,book左15/12,好似9:45機,21號就返黎嘞~
可能都會見到ga~  





  • 留言者: Ellen
  • Email: ellenlee820@yahoo.com.hk
  • 網址:
  • 日期: 2009-10-13 00:56:00
我地都plan左去北海道呀~
[版主回覆10/13/2009 01:19:00]妳係咪都係自己去呀?咁妳 book 咗 package 未呢?我地 16/12 零晨出發,25/12 晚返呀,到時唔知會唔會响北海道見到妳呢??





  • 留言者: 愛神話的人
  • Email: bbevaeva@yahoo.com.hk
  • 網址:
  • 日期: 2009-10-12 01:22:00
大日子快到啦 ^^ 
結婚真係好多野搞 ^^
加油, fighting ^^
[版主回覆10/13/2009 01:15:00]多謝妳的鼓勵呀~
原來妳去咗韓國睇阿 jin 丫,好羨慕妳又可以見到佢呀!個 show 係咪好正呢?





  • 留言者: san
  • Email: yeeyeesan@yahoo.com.hk
  • 網址:
  • 日期: 2009-10-11 10:39:00
你近排很忙哩!好小見你UPDATE.
你咁快就BOOK左PACKAGE啦!睇黎我要快D了.
[版主回覆10/13/2009 01:13:00]係呀,前一排晚晚上網 searh 資料呀,呢排終於得閒少少啦~
如果妳都係打算自己去唔跟團,我建議妳都要儘快 book 啦,年尾啲機位好緊張架~