2011-03-27 (星期日)
上星期飲完 7 劑中藥，因為仲未來經，所以今日再去覆診，
如常地把脈、看舌頭‧‧‧
醫師話我條脷震，多脷苔，即係體內仲有風同埋有痰喎，
我話唔覺有痰 bor，阿醫師就解釋比我知，喺中醫角度，痰係有份有形 & 無形嘅，有形即係平時咳嘅時候在喉嚨嘅痰，而無形嘅呢就係停留喺身體其他地方嘅黏液，如果留咗喺子宮就會影響成孕機會，所以佢再開多 7 劑藥比我，主要用於化痰、補身。
我又再問醫師，飲咗2星期藥，我嘅身體狀況有無好啲，佢話好咗好多，兩脈比前兩次穩，面色、精神都好好多，暗瘡、腰痛就仲差小小，所以呢個星期嘅飲食都要繼續以清淡為主，唔可以偷食煎炸嘢。。
繼續努力加油，希望短期內都無 M 到，咁我地即係食糊啦。
2011-03-13 (星期日)
日頭行完山，晚餐返入元朗食，約埋阿哥收工過來食。。
本來諗住去大排檔食架，但阿哥遲遲都未收得工，最後決定轉移陣地去酒樓食啦，始終會酒樓座得舒服啲，等耐啲都無問題啦。
等到 7:00 左右落定order ，阿哥黎到應該有得食啦，到 7:30啲菜已經上晒檯，阿哥仲未到，唯有邊食邊等，留返啲餸比佢啦，最後阿哥成 8:00先來到，仲要佢匆匆忙忙咁食，媽咪都覺得辛苦咗佢呀，不過阿哥都唔覺得辛苦，佢話反正點都會過黎車埋媽咪返屋企架，真係孝順仔。。 其實阿哥你慢慢食都得啦，我地又唔趕時間。。。
呢晚媽咪堅持要請客，所以我地都係簡簡單單叫啲小菜食，呢度啲小菜都唔算貴呀，埋單 $400幾蚊，8個人食，姐夫都話大排檔都隨時貴過佢。。。
燒味拼盆。。
椒鹽脆炸鮮魷。。
魚香肉鬆茄子煲。。
菜甫涼瓜肉鬆煎蛋。。好味 ^3^
籠仔糯米鎮江骨。。
‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧
其實，我地屋企平時好少機會一齊出街食飯架，因為老豆唔鍾意出街食，阿媽又唔想丟低佢一個人喺屋企，咁啱今日出開街，我哋先氹到媽咪食埋飯先返去咋，希望下次同埋老豆一齊出黎，一家人開開心心食返餐好架啦。。
2011-03-13 (星期日)
呢日一家人去行山，由東涌行去大澳‧‧‧
行咗四個幾鐘，下午三點半左右終於到咗大澳啦，中途食咗半個橙&一個麵包，
個個都好肚餓啦，唔理三七廿一，第一時間搵地方祭下五臟廟先，
上次黎都係去呢間，食過啲嘢食都 ok，又見佢唔係好多人，唔使等位就即刻入去座啦。。。
涼拌木耳。。。蒜頭太多，辣咗啲
豆腐炆魚。。。豆腐好味，不過少得可憐，得三塊，魚就一般啦，可能因為我唔好食魚
墨魚餅水餃。。。兩樣都好味，雖然係煎炸嘢，但食落口唔會太油膩，算阿靚女冇點我啦~
蝦醬炒油墨菜。。。
蝦醬炒飯。。。飽晒
埋單 200幾，姐夫請，多謝晒，下次我哋請，唔好爭~
2011-03-13 (星期日)
好耐冇行過山啦，見呢排天氣開始回暖，老公又放假，早幾日約埋家姐、姐夫、媽咪一齊去行山，兩個姨甥女就冇去啦，行咁耐佢地實無耐性行啦！
約齊人 9:00 在元朗食完早餐後座巴士去東涌，由東涌行去大澳，我哋兩年前行過一次啦，老公話慢慢行 4個零鐘就會到，Let's go ~
行到逸東邨，同天水圍一樣出現呢片奇景，超多人拎啲衫呀、被呀出黎晒啊~
向沙螺灣方向進發 ‧‧
今日嘅溫度唔係太熱，唔太曬又有啲風，好適合行山 ‧‧
第一次著呢件新風褸，桃紅色好 sharp ，影相好靚，係姑仔男朋友比的‧‧
老公一馬當先，我就係今日嘅御用攝影師，哈哈~
間中咁樣一家人一齊活動下真係唔錯啊~
路邊的不知名的野花也很漂亮呢 !
行到中途的一條村，見到村民斬埋好多柴 & 木頭，應該係用來生火煮食的‧‧
嘩‧‧好大隻瓜呀，媽咪話係魚翅瓜來的 。。
呢隻狗狗跟埋主人上去行山，佢望住個海好似沉思緊咁‧‧‧
呢支樹幹好獨特，似係比藤蔓纏繞著生長咁‧‧‧
呀‧‧‧好多毛蟲呀~~~
普遍在野外先會見到嘅牽牛花。。。
呢隻狗嘅品種好似係洛威拿，企起身成個人咁高呀，好彩佢個樣友善無惡意咋。
古生：「呢邊呀，一齊行啦！」
行到攰攰哋，休息一陣先‧‧
媽咪發現咗佢用來整清明仔的其中一種材料 …… 雞屎滕
繼續向大澳方向行‧‧‧
哈，行行下，終於醒起帶亞 pooh 出來晒下太陽啦~
第一段長命鈄唔記得影相，呢段石級路係第二段比較難行的‧‧
老公話 easy job 喎~
家姐同姐夫第一次行，兩個都健步如飛‧‧
成段路最靚呢個景呀，一定要影返張相啦‧‧
遠望過去矮啲嗰座山附近就係大澳啦，繼續努力呀。。。
呢段山路雖然係泥地，但唔難行。。。
有條小路可以行出去岸邊玩下水、影下相。。我地因為肚餓要趕路，冇行落去。
禮拜日好多人行山啦，睇下前面幾多人！！
岸邊有好多水草。。
天后廟。。。原來 "龍咁威" 係响呢度拍嘅，我都係呢日先知。。。
呢棵樹連樹幹都係青 B B 的，好似比人噴咗油咁‧‧‧
Pooh Pooh 都來到大澳啦 ‧‧‧
曬緊鹽，係咪可以抗輻射？？？@@
整個哈哈笑遮住老公隻手先‧‧
食飽飽 (食咗啲乜下一篇再講)
大澳名物：老公蝦豬餅，唔知係乜東東呢？？
人頭湧湧，好似行緊花園街咁，家姐同媽咪都喺度入咗啲海味乾貨。。。
買完嘢四點幾，座車出返去東涌，再返入元朗會合阿哥及姨甥女們一齊食晚飯嚕！！
