2011-02-20 舊曆生日快樂！

2011-02-20 (星期日)

今日我舊曆生日，媽咪約咗我飲茶，仲搵埋位等我，

自己剔咗籠壽包來慶祝，學表妹話齋，生日梗係要食壽包啦。。

 

又叫咗媽咪鍾意食嘅燒腩仔 (其實係我自己想食)

最後由阿哥埋單，多謝阿哥！

 

晚餐。。

煮咗幾味簡單小菜，同老公在家撐檯腳。

 

。。瑤柱蒸水蛋 。。  (前一日問咗奶奶煮法，哈哈，成功咗)

 

。。滷水雞翼。。

 

。。菜心。。

 

。。老公同事請的薑醋。。 (老公超鍾意食薑醋)

 

。。五穀米。。

 

2011-02-08 年初六...香薰園+ 白泥自駕一天遊 (Part 1)

2011-02-08 (星期二)

今日年初六，亦係老爺生日，夜晚一家人去酒樓食飯同老爺慶祝。

日間。。。問阿哥借咗架車，同老公去咗粉嶺香薰園同埋白泥。。。

 

位於粉嶺嘅香薰園，環境清優，內裡設施好適合一家大細，呢度可以在賞花、摘士多啤梨、燒嘢食等等。。。仲可以餵羊仔、餵魚仔龜仔。。。入場費只係 $8/人

 

在入口不遠處養了一群山羊，仲有山羊 BB 添，佢地不停咩咩叫，唔怪得叫羊咩咩啦。。。哈哈 ~ 記得幾個月前同媽咪阿哥來過一次，媽咪見到啲羊不知幾開心呀，好似小朋友咁，跟著佢地咩咩叫。

 

鯉躍龍門？？老公捕咗好耐至影到呢張相~

 

 

 

呢個安裝在樹上鞦韆原來只 for 影相，唔可以盪架，但我係影完呢張相先發現囉~！！

 

 

 

好喜歡這裡的薰衣草，上次老公無來到，今次趁佢啲花開得咁靚，一定要再來影多啲靚相啦。。。

 

 

 

 

 

 

 

 

 

 

哈哈，呢張蝴蝶係我影架，好鍾意！

 

 

 

 

第一次見仍掛在樹上的茄子。。

 

玩到 3 點幾，準備要出發去另一個地方啦。。。

臨走前食咗碗豆腐花，好滑好好味~

 

下一站。。。白泥觀賞日落美景

2011-02-17‧‧ 正月十五。元宵節。

 

2011-02-17 (星期五)

 

今日係元宵佳節

我要求老公陪我去影綵燈

佢緊係肯陪我啦，唔陪我陪邊個呀，

中國人嘅情人節喎‧‧‧

 

特登叫佢企喺隻 "帥" 棋隔離，係咪當堂型仔好多呢，哈哈‧‧‧

 

呢個綵燈熟口熟面，同上次大埔中秋綵燈會個啲好鬼似‧‧‧

 

好靚嘅天鵝呀。。。

 

清明上河圖嘅趕豬小女孩 ？‧‧‧

 

 

成家 福 錄 壽。。。

 

 

 

 

睇完綵燈，返屋企煮咗包湯圓食，兩口子甜甜蜜蜜，團團圓圓！