2009-08-23 (星期日)
南南突然打電話俾古古話要介紹女朋友俾我地認識，
仲要我地訂位再去上次去過的那一家私房菜‧‧‧
到咗約會的那一天我們滿懷緊張及期待的心情到達，點知佢原來帶咗美國返來的死黨 Maria 來給我們驚喜，
上次我地夾計給古古驚喜，但今次佢連我都玩埋@@
不過我地都好開心，如果佢真係介紹女友我地認識我地會更開心呢！
我地同 Maria 分享咗籌備婚禮及拍攝婚紗相的點滴，
大家仲講返好多過去的趣事，這餐飯真係食得開心又滿足呀 ~
期待在我們的大日子再見面呢！
2009-8-22
見今日星期六放晏畫，古古又要返工，我攪結婚嘅動力又返咗嚟，決定今日去視察下環境，睇下買唔買到合心水的材料為我嘅婚禮加添色彩啦。
一點幾打電話俾古古話佢知我今日去旺角行下，佢話可以出來同我一齊食完飯先去返工喎，咁我就先行下花園街等佢啦，行咗一陣都有收獲噃 ~ 買咗件衫。
之後去搵下有冇賣囍字打孔機的舖頭，行到接近花墟俾我搵到一間，囍字賣 $28，花花款式就好少，兼且佢啲貨都幾舊下，應該好少人買，行多幾間再比較下先，行返轉頭又搵到一間款式多好多，但亦貴好多，個事頭婆開價 $35 / 個，$100 / 3個，心諗貴咁多都係唔買著啦，食完飯再行下睇下有冇平啲先啦，點知阿姐見我走頭，嗌著話平啲比我喎，不過我冇即刻買，我行返出去巴士站等古古，由於塞車佢嚟到都差唔多3:00 啦，我地拿拿臨搵地方食嘢，食完啱啱好趕到去返工。
送走咗古古最後我都係去返阿姐度買咗呢兩個，佢收我 $60 ，再講價都唔肯平啦，雖然貴咗啲但有我鍾意嘅心心圖案，用來幫喜帖 & 餅卡加工應該幾靚架！
跟著經過一間雜貨店，買咗個大口仔、大口妹人情封，準備用來送禮俾 10月結婚個姊妹，佢最鍾意大口仔架~
繼續去埋花園街出名賣絲花平、靚、正的伯伯舖頭度睇絲花，見啲 BLOG 友同埋我就嚟結婚的姊妹都會為兄弟姊妹 DIY 襟花、手花，心郁郁的我都想試下，點知去度見到咁多花，真係花多眼亂呀，好似每一款都好靚喎，點算呢？？ 揀下揀下都揀咗成半個鐘有多，最後買咗一束紫色牡丹、一束粉紅色小牡丹 & 粉紅色玫瑰，可以分別做俾兄弟、姊妹 & 男女家的家人，希望做出來的制成品唔會失禮人啦！
跟著行去深水埗德祥，嘩‥‥真係勁多嘢賣喎，價錢都算幾平，我又係行咗好耐，我諗行咗成個鐘都有，最後買咗綠色膠紙、粉橙色絲帶、銀色絲帶用來捆簽名筆，粉紅色 Love 絲帶用來整蝴蝶結。
紫色玫瑰花仔用嚟裝飾支簽名筆，仲買咗一 pack 用來做襟花的 T 字夾。
以下兩支簽名筆係普通文具店買的，紫色嗰支係店員介紹俾我嘅，佢話呢支比較特別啲，簽出來的字係會捆邊的！
以下就係將會成為我簽名筆主角的 Bling Bling POOH 啦，諗著拆咗個藍色 Lucky ，所以去汝州街買咗兩粒心心嚟加工，但係我唔知點樣將佢固定响阿 Pooh 心口啊，係咪用熱溶槍可以做到架呢？有冇高人可以指點下我啊？
今日收獲咁豐富，梗係要影返張大合照先啦，至於幾時開工 DIY ？
大家密切留意啦！多謝收看！嘻嘻 ~
2009-08-15
繼續上個禮拜的行程先 ~
上回講到去完青衣城就坐地鐵去欣澳站，再轉 Disney 列車入去迪士尼，我地冇入去 Disney 玩呀，只是在大門外行下影下相，古古話呢度一直播著好開心嘅音樂，整個人都變得好 relax ，好有童真咁呢！
今日買的 pooh pooh 真是大派用場呢，看他已完全融入這個環境了。
行了15分鐘左右就到了迪欣湖，呢度都幾靚喎，見到幾個靚女在影相，可惜我唔識擺 pose 啦，影唔到啲超有美感嘅沙龍添，唯有保持一貫嘅自然 pose 啦，我跟自己說自然就是美，哈哈！
上次提過我個好姊妹上了國內工作，她每星期回香港 2 天，不經不覺原來上去已經 3 個星期了，今晚她又回來香港，她約了我吃晚飯聚一聚，她說有很多很多事要跟我說、跟我分享，同事叫我準備定大量的 tempo 紙巾給她 (因為她很愛哭) ，我說我覺得應該要準備飲品及喉糖才對，因為她肯定會講到喉嚨痛，3個星期以來的種種事要一次過說出來，就算喉嚨唔痛都講到聲沙啦！@@
等一會就見到妳了，好期待呀，仲好掛著妳添！
殘 jin ，今年有女友陪你過生日一定勁開心勁 lum 啦，你個衰仔入伍嘅時間一改再改，就嚟連 minwoo 都快過你喇，知你一定係唔捨得個女友，所以成日博晒命咁搞到自己周身傷啦，一啲都唔愛惜自己身體@@，不如你快啲去服兵役啦，如果唔係再拖落去，神話要歸隊嘅時候淨係差你一個我唔放過你架！！
29歲大個仔啦，生生性性唔好要我地呢啲橙色公主擔心你啦，乖乖哋早日成家立室啦，你唔係好想做個好老公、好爸爸嘅咩？
生日快樂呀！
今天去了選喜帖和回禮小禮物的網袋，整個過程都好快好順利，因為我們事前已選好款，上到去望下件實物，就 confirm 落 order 了，張喜帖我同古古都好鍾意，落單印 260張，網袋 + 人名咭就要 400 sets，兩樣預計 10月中就會起貨，到時就可以有足夠時間讓我將喜帖加工扮靚靚啦！
後來想下想下，兩個都有些擔心喜帖的數量，萬一最後酒席多於 30圍的話 260張未必夠啊，於是我們決定酒樓送的喜帖也先印來做後備好了，到時再看著辦吧！
完成了今天的任務後，我們便向青衣城出發了，有什麼好節目，不就是去影靚相囉~
我們每人捐了 20元就可以進場了
望真些，我跟小雲有點相似啊，一樣是大頭妹一個，哈哈！
經過 trendy land 買了一個 pooh pooh 公仔，他的眼亮晶晶的很可愛很美啊，我打算用來 DIY 簽名筆的，等我有空去德祥買一些工具回來就可以試做了， okay 的話再買多幾個做多幾支先。
pooh pooh 見到小雲同小吉都好開心呀！
我們就喜歡那 "米田共" 多些呢！篤呀...篤呀... kawaii…哈哈 ！
差不多所有 character 都見到，但點解找不到栗頭老師的呢？我都跟他學了一招愛心頭鎚的啊~
今日戴了隱形眼鏡，又化了妝，好像比較上鏡，笑容都多了些自信呢！
pooh pooh 個樣好天真無邪呀！
去完青衣城，見順路所以搭多幾個站去埋迪欣湖，我想去好耐的了，今日終於可去啦超開心，雖然我對香港 Disney Land 沒多大興趣 ，但坐下 Disney 列車也不錯啊，去到 Disney 門口都影了很多相，但由於相片大多了需要時間整理，遲些再 upload 上來分享！
古古今日請了假陪我，順道去選喜帖，約了他阿妹的 friend 中午時份上去她 office 處看樣板，出去之前先來一個豐富的早餐，最愛吃這裡的炸醬通粉，真的很好味啊，所以我每次來都只吃它，古古今次終於都吃到那個辣腸了，辣辣地都幾好味啊~
食食下，我好認真地跟他說，我有病呀，他很緊張地問我：有什麼病呀？？
我：我有恐懼症呀！
古古：婚前恐懼症？
我：嗯‥‥我好擔心搞婚禮的事做得不好呀，經常都想著結婚的事壓力好大呀‥‥‥‥不如不要擺酒囉‥‥！！
古古：(好認真好真摰地) 那‥不如別擺酒了，如果真的承受著很大壓力的話。
我：嗯‥‥我只是說說而已，如果真的決定不擺酒，付了的訂金是取不回的啊，我才不會這樣做呢，你跟我傾談多些應該會好些的了~
之後我們繼續傾談了一會，他還建議如果找 wedding planner 搞會不會輕鬆些，感受得到他真的很緊張我，後來還用憐惜的眼神望著我，從他的眼底裡隱約閃過一點淚光，我差點也忍不住呢，他輕撫了我的臉，那一刻大家都盡在不言中了，我知道無論我有什麼決定他都會支持我的，以後的路有他陪著我一起走，就算有多大的困難我們都能夠一起克服的，心情頓時輕鬆了不少，還有不到四個月我們便會結為夫婦了，只要我能跨越這一個關口，相信我們的明天必定會很美好的，加油吧！為了屬於我們的婚禮好好努力吧，為了一個這麼愛我的人放下那些多餘的想法及擔憂吧，別再拿別人和自己比較了，我就是我，我要的不就是一個簡單而感人的婚禮嗎？用心去享受這個過程，用我們的雙手去打造我們的幸福吧！
婚前恐懼症以前都聽過，但始終未經歷過真係唔太明白架。
但我發覺自己最近開始出現一些症狀啦！
無時無刻都在想結婚的事，擔心要找朋友幫手會麻煩到人啦、擔心不夠時間準備啦、擔心跟對方的家人相處不來等等，突然變得好唔想搞結婚嘅嘢呀！其實有好多嘢都未搞但真係提唔起勁呢！仲有一個最大嘅問題係好唔喜歡自己呀，唔鍾意自己成日胡思亂想，唔鍾意自己變得越來越冇自信，明明當初自己話唔想擺酒嘅，到依家例如要計劃印帖都好似係自己要求多多咁，另一半就咩都冇所謂，一句：『妳鍾意啦，我冇所謂架！』咁又嬲佢唔落，佢的確係好就我嘅，知道我唔開心都會想辦法氹我‥‥‥唉‥‥好想找時間能跟他好好的談一談，希望能在病情未變嚴重前早啲醫返好啦！
* * * * * * * * * * * * * * * * * * * * * * * * * * * * * * * * * ** * * * * * * * * * * * *
「婚前恐懼症」症狀
婚前輔導
第一個功課
其實，從開始交往到步入婚姻，很多人都只顧面對眼前事，或是沉醉於愛與被愛的浪漫當中，但反而忽略了在處事當中，學習如何認識自己、了解對方，更說不上互相成長。因此，到了婚姻的門口，往往出現「婚前恐懼」；又或者憧憬「明天會更好」，但婚後眼睛明亮，發覺貨不對辦，悔不當初。因此，我 相信一方如果有婚前恐懼，這對戀人的第一個功課，是學習如何攜手而有效地面對這恐懼。畢竟，結婚後雙方的個人問題，都應該是變成兩人的問題。
我們的結婚證書冊到手了，第一次去格仔舖取貨，付清尾數就把它帶回家了，回到家裡拆開來看一看，實物質素很不錯啊，鏽了我們的名字及婚禮的日期，鏽名的部份並沒有縐起來呢，再把我們的 8R 婚紗照放進去，到那天再把我們的結婚證書放在右邊就很完美了！
參考資料：http://hk.myblog.yahoo.com/your_wedding_memory
2009-08-02
今日下晝入咗去長洲行下，夜晚返到屋企先知原來今日係最熱嘅一日呀，唔怪得我啲汗 "狂標" 啦，我地兩個傻人仲去咗行山添，好彩冇中暑咋，如果唔係肯定見報丫！！
下面嘅相係用 500D 影嘅～
行完山搭 7:30 班船出返中環，再返入元朗搵食，試咗呢間 "八方雲集" 嘅煎餃，本來試埋餃子架，點知古古落單時圈錯咗丫@_@！所以兩碟都係煎餃，左上面個款韓式煎餃十個好味呀，辣辣哋好惹味，不過都幾熱氣啊，咪講笑，食飽之後即刻過隔籬飲杯涼茶先！
今日專誠帶部 500D 出街影下相，收工後先去旺角新世紀會合古古，過到去都成2:00啦，搵地方祭下五臟廟先，Freshness Burger 都 ok 好食啊，不過好似都係 mos burger 正啲啫 ~
哈哈，睇下古古幾專心影相！
以下用 500D 影的～
行完新世紀再過埋葵芳新都會，呢度有個北海道夏の祭，睇報紙介紹好靚架，所以特登過嚟影下相，點知實景唔係太靚咋，最後出咗去露天廣場度睇小朋友玩水同埋影咗啲搞笑相，跟著就返去未來奶奶屋企食飯 lu ~
