2011年5月24日 星期二

相愛四年‧‧‧

2011-05-24 (星期二)



四年前嘅今日,我哋正式拍拖。

拍咗拖年幾就決定結婚啦,

大家都認定對方係可以共渡下半生嘅理想伴侶,

到依家結咗婚都有年半啦,

婚姻生活過得十分美滿及幸福,

好多謝老公一直以來都咁錫我、咁照顧我,

相信喺不久嘅將來,到我哋有埋小朋友,

我哋一樣會生活得咁開心的。



期待我哋嘅下一個拍拖紀念日、10週年、20週年‧‧‧‧

到我哋都變成公公婆婆嘅時候,

我哋要手拖手一齊行公園架,

呢個一直係我夢想中嘅畫面,

總有一日會實現的。。





……到公園中散步年紀‧‧

有老伴仍是.....你。。。




  • 留言者: 布綠瓊
  • 日期: 2011-06-01 11:27:00
sure

2011年5月23日 星期一

第10週 ... 2011-05-23

睇下寶寶呢個禮拜長大咗幾多先 ~


 



 


妳的寶寶再也不只是一個胚胎了!雖然她差不多是一個金桔的大小(從頭到腳大約 1 英吋長),但她已經完成了她發展中最關鍵的部分。


這是所謂的胎兒期的開始,也就是她體內的組織與器官快速成長與成熟的時期。她維持生命的器官 – 肝臟、腎臟、腸子,大腦與肺部 – 都已定位,而且開始運作,並且在整個懷孕過程當中持續發展。她的肝臟持續製造血球,而之前供應這些血球的卵黃囊則不再需要,並且開始消失。


在接下來的三周,寶寶的身長將比現在多出兩倍多,達到 3 英吋左右。 她的頭現在比例上比幾周前小一點,但還是幾乎佔的她整個身體的一半。她的前額因發展中的大腦而暫時凸起,而且位於頭的高處;以後會縮回去,給她一個比較像人類的外型。


每一天都有多一點小細節開始出現在她身體上了(包括小小的手指甲、腳指甲與胎毛)。她的手指現在完全分開了;她的手臂在手肘處折彎且微微彎曲;她的手在腕關節處屈曲且可以在心臟上方互相碰到;她的腿變長了;她的腳長到可以在她身體前面碰到。她正忙於吞下羊膜液並且踢腿。


如果妳本周可以瞄一下妳的寶寶,妳就可以透過她薄如紙的皮膚,清楚看到她脊椎的輪廓,脊椎神經開始從她的脊椎延長出來。


 









本周妳的身體


下次產檢,妳可能就可以在一種手提式聲波聽診器的幫助之下,聽到寶寶的心跳了!妳的醫生會把它放在妳的肚皮上讓妳聽。許多孕婦都說她們寶寶的心臟跳動聲,聽起來好像萬馬奔騰,第一次聽到它是懷孕頭三個月最大的快樂之一。


懷孕令妳的子宮快速地增加,這尺寸與體重的增加會令支撐妳子宮的韌帶拉長,因這種拉長而造成的腹部疼痛,在懷孕初期其實並不常見,因此如果妳覺得有任何不舒服,請與妳的醫生連絡,特別是伴隨著污漬、出血、發燒、畏寒、陰道排泄物、暈眩、小便時不舒服、噁心與嘔吐,或休息幾分鐘之後,疼痛仍未消退時。


妳有發現到妳的唾液比平常多嗎?這是有嚴重害喜現象或有胃灼熱現象的孕婦特別常見的一種症狀。沒有人確切知道為什麼會這樣;可能是因為唾液產生增加、吞嚥減少(反胃時常見的行為) 或兩者皆有。


 


2011年5月14日 星期六

奶奶的關心

2011-05-13 (星期五)

尋日放工都係即刻返屋企。

因為呢排都要乖乖哋,唔可以四圍去啦。



煮緊嘢食嘅時候,奶奶打電話比我,

佢話今晚煲咗湯想拎過來比我飲,

好開心奶奶咁關心我,

但我唔想佢咁辛苦,專登拎過來呀,

我叫佢唔駛拎過來,我聽晚返去食飯,飲埋湯咪得囉。。



正如姑仔所講,奶奶真係一個無得頂嘅好媽媽呀,

多謝妳,視我如親生女一樣,

結咗婚之後,多咗一個媽媽愛錫我,

我覺得我真係好幸福啦。。








  • 留言者: 大N
  • 日期: 2011-05-23 11:30:00
好幸福呀!

2011年5月10日 星期二

懷孕後收到第一份禮物 (from 小古B's 未來契媽)

2011-05-10 (星期二)



今日係佛誕,但係我無假放,因為公司放勞工假。。

朝早出門口搭車,條街靜過鬼,真係好少見。。



午飯前,媽咪打電話嚟話我知佢哎吔契女 阿 Ling 食炸糊呀,之前話經期遲咗成 10日,仲諗著佢好大機會有喜添,不過唔緊要啦,要繼續努力呀,保養好個身體,BB 好快就會嚟架啦。。



小古 B 嘅未來契媽今日過咗嚟同我食  Lunch ,仲送咗條孕婦褲 & 保溫杯套裝比我,呢份係我有咗 BB 之後收到嘅第一份禮物呀,真係多謝晒呀未來契媽。。契媽仲話 BB 出世之後,禮物會陸續有來添呀。 佢話要將 BB 變成 Pooh Pooh 喎。想像一下,如果 BB 似我哋兩公婆咁,都係頭大大的話,打扮成阿 Pooh 咁都幾搞笑喎 ^^



放工終於去買咗四套新的  Underwear ,因為有咗嘅關係,我已經開始變咗有料之人啦,依家買大一個 Size,可以著得舒服啲啦。。

Shopping 完唔想返屋企煮,去咗吉野家食埋飯先返去,爽呀。



老公放工返嚟,佢話今日終於搵到叔叔,問咗佢意見, 叔叔都覺得佢哋可以買套票自己去泰國玩幾日 ,因為反正佢都唔想去芭提雅,如果跟團嘅話就多數都會去一日架,老公話咗比叔叔知我今次唔方便去啦,佢話叔叔已經意會到,仲恭喜我哋添。其實如果我唔係有咗嘅話,我都好想同佢哋一齊去泰國探下阿婆架,正如奶奶所講,阿婆年紀已唔細,可以探得一次就一次架啦,我當然希望阿婆可以長命百歲啦,咁第時我哋可以一家三口過去探佢,比佢見下個曾孫啦。



文章分享: 35歲才當媽媽的疑惑



遲婚,令當媽媽的年歲一再推遲,「高齡產婦」label了35歲後的準媽媽,這個label真的可大可小,如果可以,有誰想為自己扣上這帽子?


10年前您可能聽聞30歲以後生育的女性已算高齡產婦,這個年頭,時代進步了,所謂的「高齡」已提高至35歲。或者不是您所情願,但35歲後生育對於母體及胎兒的風險也相對提升,嬰兒出生後的染色體異常的機會較年輕懷孕的女性為高,舉例說,30歲孕婦所生的唐氏兒的比率為1/885,而38歲的比率為1/176),因此醫學界將年滿35歲作為一個分界線,稱這個年齡後懷孕的女性為「高齡產婦」。


此外,年紀越大,因生育而衍生疾病的機會率亦會愈高,例如妊娠高血壓、妊娠糖尿病等。與此同時,高齡產婦也比較出現早產、胎盤早期剝離等等的現象。為了預防懷孕期間所產生的併發症,婦產科醫生一般會建議高齡產婦在懷孕前做一個全身檢查,如果本身沒有血壓高、糖尿病、腎臟方面等的問題,也不用太過擔心,只要在妊娠期好好配合檢查便可放心。若是檢查出來有問題者,一般經過治療後也能安全受孕。


高齡產婦的妊娠風險


卵子老化


一旦卵子老化了,卵子的品質欠佳,在分裂、受精時,染色體異常的機會變高。產前適當的檢查可確保胎兒健康成長。


產後骨盆鬆弛及子宮下垂


骨盆腔裡包含女性重要的生殖器官,同樣也會隨著年齡老化,所以在妊娠期間要特別保護,不要提重物、不過度勞累、不做激烈運動、也避免有任何壓迫到腹部的舉動。反之,盆腔底部的組織就會容易鬆弛,子宮膀胱也會逐漸向下垂。子宮下垂嚴重者,可能會有子宮脫垂的症狀,造成骨盆重墜不適、漏尿等問題。醫生建議高齡孕婦在懷孕的24週起,開始使用「托腹帶」,支撐腹部往下垂墜的重量,以保護子宮。


高齡產婦的日常生活應注意:


1、 多攝取深海魚油營養
2、 多躺臥休息
3、 減輕體內壓力
4、 減低膽固醇的攝取量
5、 減少孕期多餘熱量攝取
6、 勤做產前運動 


2011年5月9日 星期一

2011-05-06 提前慶祝母親節-奶奶篇

2011-05-06 (星期五)


 


放工一家人去咗 "松記燒鵝" 食飯,同奶奶慶祝母親節。。


 


老公今日請咗半日假,收工返到入嚟 7:30左右,時間啱啱好。


佢今日要喺 9:00 前食飽飯啦,因為聽日要去抽血檢驗,9:00後要禁食。


 


我哋10個人叫咗個 $798 嘅套餐,


 


套餐包括:


 


燒鵝一隻


京都肉排


西芹腰果


西蘭花炒帶子


紅燒豆腐


椒絲腐乳通菜


蒸烏頭兩條


粟米魚肚羹


 


除咗燒鵝 & 通菜唔食得,其他都啱我食啦。。


埋單我哋每個 party 夾 $200,真係好抵食啦。


 


一家人聚在一起,食咗一餐簡簡單單但係好開心嘅晚飯。。


奶奶‧‧母親節快樂呀~


 


 


2011 母親節

2011-05-08 (星期日)


一年一度嘅母親節,


都係同媽咪去食 Pizza 慶祝,


因為媽咪都幾鍾意食 Pizza,


所以佢生日 & 母親節,我哋 3兄妹多數都係請佢食 Pizza 啦,


又可以坐得舒服啲。。



食完嘢,同老公去咗傢俬店行下,


幫老爺奶奶睇下有無適合嘅廳櫃,


睇完都無乜啱,


可能真係要訂造先至啱用嘞。。



見老公今日 Day Off ,叫佢陪我去 supermarket 買咗袋 5kg 米,


我呢排多咗煮飯呀,所以上次買嗰 2kg 米差唔多食哂啦。。



夜晚嗰餐去咗太興食燒味飯,因為突然間好想好想食叉燒呀,


老公就好啦,有得飲冰鎮奶茶,我就慘啦無得飲,


不過我都好乖啦,無 lur 要飲啦。


遲啲飲得我會飲返夠本架。。。



食飽飽,非常滿足地返屋企 lu ~



  • 留言者: Canni€
  • Email: cannieyuenyan@yahoo.com.hk
  • 網址:
  • 日期: 2011-05-09 13:42:00
暫時忍一忍啦!!! 好快就可以飲架喇~~
都祝你母親節快樂吖!!!
[版主回覆05/11/2011 13:09:00]多謝妳呀~

文章分享: 孕婦應少吃薯仔??

孕婦應少吃薯仔




本來今晚想煮薯仔雞翼架,睇完呢篇,都係決定煮第二樣好啲啦。。。





薯仔風暴

大家都知道,薯仔是世界上公認的營養豐富的食物之一,美國人甚至認為,每餐只吃全脂奶粉和薯仔,就可以得到人體所需要的全部營養,不過,原來這種高營養的食品,孕婦也應少吃。


薯仔營養豐富,其蛋白質中含有18種人體所需的氨基酸,是一種優質的蛋白質。其中所含的黏體蛋白質能預防心血管類疾病。薯仔中維生素B1的含量也居常食蔬菜之冠。 然而,很多朋友都應該聽過,吃了發芽、腐爛了的薯仔卻可導致人體中毒,這是怎麼回事呢? 原來,薯仔中含有一種叫龍葵素的毒素,而且龍葵素較集中地分佈在發芽、變綠和潰爛的部分。有人測定,每千克薯仔嫩芽中龍葵素的含量可高達5200毫克,高出普通薯仔的60倍。


龍葵素被吸收進入血液後有溶血作用,還可麻痹運動、呼吸中樞,刺激胃黏膜,最終可因呼吸中樞麻痹而死亡。此外,龍葵素的結構與人類的甾體激素如雄激素、雌激素、孕激素等性激素相類似。孕婦若長期大量食用薯仔,蓄積體內會產生致畸效應。有人推算,有一定遺傳傾向並對龍葵素敏感的孕婦,食用44.2-252克薯仔,便有機會生出畸形嬰兒。而且薯仔中的龍葵素並不能因常規的水浸、蒸、煮等烹調而減少。有鑑於此,孕婦還是不吃或少吃薯仔為妙。有的孕婦喜歡吃零食,當然就包括市場上大熱的薯片,雖然它們接受過高溫處理,龍葵素的含量會相應減少,但是它卻含有較高的油脂和鹽分,多吃除了會引起肥胖,還會誘發妊娠高血壓綜合徵,增加妊娠風險,所以也不能吃得太多。






2011年5月5日 星期四

7WK4D 第一次政府產檢

2011-05-05 (星期四)


 


今日第一次去屯門醫院做產檢,約咗 1:30,老公幫我排隊攞咗 9 號籌,見姑娘前先去聽咗一個關於唐氏綜合症嘅講座,聽完之後就等照超聲波。


今日幫我照超聲波嘅姑娘好好人呀,當照到 BB 心跳時,佢好親切又開心咁話比我知,呢個就係BB 心跳啦,見到BB嘅心跳閃下閃下咁,嗰一刻,懷孕嘅感覺變得更真實,一個小生命正喺我肚裡面一日一日咁成長,我嘅責任亦大咗,因為我要好好保護佢丫嘛。。


姑娘再量度埋胎兒嘅長度,確定同馮醫生幫我計算嘅預產期吻合,一切順利嘅話,BB 將會喺 12月19日出世。。


約埋時間喺 6月8日返嚟做唐氏綜合症篩查,到時可以再見到 BB,照超聲波幫 BB 度頸皮同埋抽血驗,兩個星期後就會知道 BB 係咪高風險啦,雖然話高齡產婦有 400分之一機會中,但係我哋都好有信心,BB 一定會健健康康咁嚟到呢個世界嘅。。