7月26日 --- 星期日
今朝一家大細去唱 K，連媽咪呢個稀客都有去，但佢 only 食唔唱，大姨甥女揀晒所有泳兒 & Hotcha 啲歌咁滯，細姨甥女&表妹就响度嬉戲多過唱歌，唱到咁上下古古開始釣魚啦，比細姨甥女發現咗仲喺度笑佢添…
唱完 K ，返咗屋企帶阿 C 落街行下，古古就去返工啦，行去公園期間有位阿叔响我背後講嘢，佢話：『靚女，影相去濕地公園丫嘛……』
我心知佢係同我講架，但我冇應佢囉，我又唔識你，同埋我鍾意去邊度影都唔關你事啫！
呢日真係幾熱下呀，我行咗一陣已經成身汗啦，影咗一陣頂唔住走返屋企嘆冷氣！hea 咗一陣落去 club house 做咗兩個鐘頭運動，又再出一身汗，雖然都幾攰下但做完運動之後成個人反而精神咗呢，今日健身室竟然冇人喎，前段時間我一個包場呀！希望我有恆心每星期起碼去一次啦，加埋每個禮拜二跳健康舞，應該都可以減到幾磅掛，就算真係減唔到，拉下筋減輕肌肉酸痛都好丫！
今日影的部份照片～
由晏晝影到夜晚，古古嘅笑容都開始產生變化了，唔知佢係咪唔慣笑咁耐呢？
我就當然仲好好笑容啦，因為我係出名鍾意笑架嘛，曾經有同事問我：成日都見妳笑嘅？妳係咪傻架？心諗你唧都唔笑又成日鬧人，你就真係傻啦，搵自己笨！不過呢位同事結咗婚之後就成個人唔同晒，收晒火不特止，仲成日咪咪咀笑，就好似當年佢問我係咪傻嘅一樣，自己都傻咗！哈哈！
連古古都話成日引到我笑佢都好開心，所以我覺得笑多啲係好架，自己開心之餘，又可以帶到歡樂比其他人，何樂而不為呢？
好靚嘅青馬橋夜景！
以前坐車經過望見條橋就會諗起機場，跟著就會好想去旅行，宜家經過望到就會諗返起我地影婚紗相嘅情景，係一個好美好嘅回憶呢！
勁鍾意下面呢張沙灘夜景，好浪漫好有 f eel 啊！
仲有……古古話影得我條腰好幼呢！
哎吔！依家我條腰好粗咩？？？
馬灣村莊影相出來好有 feel 的，但因為買相實在太貴了，最後決定要多啲開心嘅相，放棄咗好多好好 feel 嘅相呢！
啱啱俾咗啲相媽咪睇，佢問我點解揀以下呢張，影背脊有咩好啫？？
我就答佢話：型囉！
收相先發現原來我地冇要求 ML 執靚個藍天呀，不過都 okay 嘅，自然啲唔會太假 (自我安慰中!! 嘻~
由於十分喜歡橙色的關係，以下呢個景我地揀咗好多張。
咁多公仔圍住我地，頓時後生咗好多咁丫！
古古好鍾意嘅撥水相，係咪因為有得玩水所以特別開心呢？
Tune 成紫色感覺好浪漫啊~
我未見過落雪架，我問古古呢啲 effect 相同真實雪景似唔似，佢話都幾似喎，咁遲啲我地去北海道 Honey Moon 咪有機會見到呢種雪景囉~
哈哈，終於都等到呢日可以 show off 我嘅靚靚婚紗相啦 (唔同意嘅朋友唔使話我知架
應承咗大家收到相馬上 upload 上來同你地分享的，我冇食言架，大家慢慢欣賞啦！
揀咗下面呢張做大相簿封面
很喜歡這張單人照啊~
好鍾意呢張相嘅效果，助手 Alan 响我地後面打燈的！
