2016-06-08 Nicole 的自畫全家幅

2016-06-08

荒廢了兩年的Blog終於來打掃了，

這兩年間發生了很多事，

女兒現在已四歲半了，在上幼兒班，

暑假後就會升上K2, 

時間真的不等人啊！

Nicole 好享受校園生活，

最近好喜歡畫畫，

昨晚畫了很多我們一家三口的全家幅，

還有她的同學仔們，

前陣子本來都想幫她報暑期班學畫畫的，

但爸爸話想遲一些先，

因為已應她要求報讀了芭蕾舞班，

讓她適應了再學其他也是好的😊😊！

簡單的線條，繽紛的色彩，畫中的我們手牽著手，很有愛呢！

Summer Time

踏入了5月，氣温不斷上升，夏天已俏俏來到了，換上一身夏裝，我哋今日又去婆婆屋企玩啦！

2014-03-16 朱古力雲石包

今日又出包!

膽粗粗試整朱古力雲石包，結果係搅拌不足、大均勻，表面燶左啲，但味道 ok, 唔太甜，我當合格㗎啦*^O^*

2014-03-12 合桃提子麥包

昨晚睡前預校左今早9:00 收包，今早被麵包香氣喚醒，自家制無添加愛心包包，真係好食過街買那些呢！

2014-03-09 軟棉棉粟米包

第二次整粟米包，賣相不錯，好吃與否明天先知。

其實本來想整粟米吞拿魚造形包，但我懶，又要搓，又要再發酵，都係等老公放假先整啦*^O^*

2014-01-29 花栗鼠X堡

早前用$45充買左張團購coupon, 1月份內要用，今日終於去左玩，Nicole 玩得幾開心，見到波波池份外高興！

呢度位置幾方便，近荃新天地，位處商場三樓，都算幾大，尋日去玩好多小朋友都唔會好混亂。

見到Thomas 好興奮，但要隔著玻璃先肯影相，儍妹唔敢行埋去。

中埸休息，飲下水、食下餅。

坐得好招積。

食完嘢又玩過。

呢度有好多充氣彈床，Nicole 唔敢玩。

4:00 玩到 6:30 先走，去翠華食埋飯就坐巴士返家，Nicole 玩到攰晒，上車一陣就瞓左嚕！

2014-01-28 朱古力包

今次呢個朱古力包味道不錯，唔會太甜，但唔知點解，加左入爐朱古力粒，最後溶晒嘅？？

2014-01-17 簡簡單單白麵包

第二机白麵包，今次溝左啲低筋粉，食落比上次更鬆軟、更好味！

綠茶合桃包

昨晚整嘅呢個包真係改食譜改到七彩，牛油改成 olive oil, 鮮奶改維他奶，連紅豆都改埋合桃→_→

三小時過去……出包啦，外表几靚仔，好香綠茶味*^O^*

今朝，老公切左三分一带返工食，剩低嗰啲我就切片同個女分享，點知個女又係唔吼，唔通因為冇紅豆？？ 冇東X堂個綠茶紅豆軟包咁好食？？ 冇錯，的確係唔好食，唔夠甜、又唔夠軟……睇嚟，都係要整返白麵包比個女食先得！

黑糖提子包……第二個製成品

新＊＊ 三日香，继續試部麵包机，今次整甜包，黑糖提子包。

今次冇跟足個recipe, 減少左糖同水嘅份量，牛油改為olive oil, 鮮奶改為奶粉( 哈哈，未買脱脂奶粉，用左阿女啲奶粉)

昨晚煮完飯後開机，12:00 就收包，今次個包發得好高呀，但個皮就燶左啲，下次都係要 set light 先得。

今早將包切片，有成10 塊，等於街買的一磅有多，包身軟棉棉，咬落也頗鬆軟，甜度適中，合格。

可惜阿女唔係幾欣賞，原來佢唔太鍾意食提子㗎！

下次試下整綠茶紅豆包先*^O^*