2009年3月28日 星期六

Monalisa 揀相篇

終於等到揀相呢一日啦。


今日Cathy 陪埋我同古古去珀麗灣,我地約左 5:30 ,去到早左少少,等左一陣就有 sales 姐姐 serve 我地啦,sales 叫 connie,佢開左我地 d 相响電腦俾我地揀,佢話阿 B  cut 左少少,但都仲有 225 張,我地首先全部睇一次,第一 round 係一張都冇 cut 架,到第二 round 我地開始 cut 個 d 笑得唔靚唔自然同埋影得肥的,第三、第四  round 就再 cut 一d 同一個景差唔多pose 嘅,其實我同古古都好滿意呢輯相架,Cathy 仲讚不絕口添,初時都揀左成 100 張架,但由於買 file 實在太貴啦,最後都要放棄影得唔錯嘅馬灣村莊景,其實馬灣村莊 d 相真係幾有 feel  架,但要取捨的時候唯有放棄佢地啦,因為我地都想要 d 開心 d 同埋 sweet  d 嘅相呢!


成輯相我地揀得最多就係室內花景同埋馬灣公園,呢張馬灣公園係我唯一偷影到架‥‥因為掛著揀相都冇時間偷影啦



最後我地揀左 62張,本身package 包32張,另加的30張每張$118 - total $3540,仲 upgrade 左無縫連排版相簿放 60張相,加埋 coating,剩底 2張及另外 15張相放落細相簿,油畫同埋提名冊都冇 upgrade ,減左 $1000 coupon,埋單俾多 $9790,呢個價其實已經 over budget 架喇,本來都諗住咩都唔加亦唔 upgrade 架,但見到  d  相影得我咁靚,古古又俾我話事,咁我就安慰自己,一生人一次貴 d 都冇所謂啦,而且我地都唔打算再影第二輯,就豪一次啦。


好開心呀,揀左個 d 張張都好鍾意呀,冇揀個 d 其實都幾靚架,如果可以平 d 全部要晒就好 lu !好期待 7月底收相的一天呀!


 


 


 



  • 留言者: esther
  • Email: estherfung2006@yahoo.com.hk
  • 網址:
  • 日期: 2009-04-08 19:10:00
我地收咗相啦!
[版主回覆04/08/2009 22:01:00]真係好嘞,我就要等到7月先有呀,好難捱呢!

2009年3月17日 星期二

Mona Lisa 影相篇

攝影師:阿 B


助手:Alan


MUA:Hidy


今日一早起身洗頭、"full" Mask,9點幾就出門口,我地先去食一個豐富嘅早餐,因為預左要好晏先可以食 "Lunch",之後再去買 D 鮮花做頭花,我揀左粉紅色同埋紫色嘅桔梗,感覺好柔和,應該會幾靚架‥‥跟住我地就出發去馬灣 lu...


<素顏的我們>



<自己準備的頭花>



去到葵芳 miss 左班巴士呀,最後遲左小小至入到去,嘩‥‥Monalisa 個大堂好靚呀staff 安排我地將 d 嘢放晒入 locker ,等左一陣之後幫我化妝嘅 Hidy 就帶左我入化妝室開始化妝啦。


到我化完妝出黎,古古都已經換好晒衫在等我了,等到我換完第一套室內 WG & set 埋頭出黎,同古古等左一陣,助手 Alan 就出來自我介紹,再過一陣 Cam man 阿B 亦都出現 la , 聽見佢話自己係阿 B 我心裡就暗喜 la ,因為都聽過唔少人讚阿 B 影得好好架,即時對呢輯相信心大咗好多,阿 B 佢同我地傾左一陣,問我地想要邊種感覺,想笑多 d 定含蓄 d ,我就話想要開心 d 同埋 sweet d 嘅,佢亦覺得我地露齒笑會靚 d,仲話希望唔係淨係得佢教我地點擺 pose,想我地都有自己嘅 style  喎,但我地心諗都幾難噃,平時我地影相都唔識擺 pose 嘅....睇怕成輯相都靠晒你啦阿 B。


<第一個造型>



我地一開始影左 Bar 檯先,之後入房仔影乾花景、水晶燈、公仔景,跟住再去另一間房影"帳蓬 sofa" 、樓梯、白色背景等等,但唔知點解阿 B 冇幫我地影汽球呀,唔通覺得我地唔襯??不過我地都冇再叫佢影返,因為其實都唔係太特別‥‥影完就換另一套外影 WG 啦。


之後換另一個造型,我要求 Hidy 幫我放晒 d 頭髮落黎,佢幫我將前面嘅頭髮整左辮仔,兩邊插上我買黎嘅鮮花,我最鍾意呢個造型架。跟住我地就行落去馬灣公園影相,然後係去沙灘,再返上影樓影埋水池加鞦韆、吊牀‥‥最後換埋 last 個件 EG 。


<晚裝造型>




我地坐 ML 嘅車去馬灣村莊,阿B幫我地影左好多好 cool 好有 mood 嘅相,有幾張影完之後都有俾我地睇,古古都好喜歡佢嘅 style 呀,希望揀相時會有 surprise 啦。影到咁上下, Alan 話幫我地叫定外賣,等我地返到 studio 有得食,之後再影埋日落景就返去嘞,食飽飽之後我地影埋波檯、鋼琴、青馬橋夜景、最後沙灘影夜景‥‥Yeah!! 終於完成左我地第一次婚紗相拍攝啦。


<美美的夜景>



跟著坐車出返去葵芳大快活食飯,總結今日嘅拍攝之行真係好開心,之前嘅擔心都冇晒 lu ~



期待 28/3 揀相日!



  • 留言者: san
  • Email: yeeyeesan@yahoo.com.hk
  • 網址:
  • 日期: 2009-05-15 23:19:00
原來你係阿b影,正呀!
[版主回覆05/16/2009 10:02:00]係呀,佢真係影得好正架

2009年3月13日 星期五

倒數 9個月 + 擬結婚通知書簽名

今日係婚禮嘅倒數 9 個月


我同古古上左律師度簽名  交埋錢


張律師都幾 nice 噃  又好笑容


佢仲詳細咁講解左一次當晚行禮嘅程序俾我地知


我地都對佢好有信心


相信佢當晚可以將氣氛控制得好好


簡單得來莊嚴就最 perfect 啦!


-----------------------------------------------



之後我地約左南南出黎食飯


去左尖沙咀嘅 "妹記大排檔"


南南話 Alex & Maria 一家真係會返黎飲我地嗰餐呀


古古都好開心   仲覺得受寵若驚添


佢地專程由 LA 返來喎   成個 FAMILY 洗費唔嘢小架


所以我地真係好多謝佢地呀


 


2009年3月4日 星期三

第一次婚禮進度表

婚禮日期:2009 年 12 月 13 日 (星期日)


設宴地點:元朗囍慶大酒樓(預計 22 圍)


_______________________________________________________________


過大禮時間        :   暫定 11月


過大禮物品     :   禮金 + 傳統過大禮物品


回門豬                          :      未定

婚禮攝影攝錄           :      朋友(1 P + 1 V)

證婚律師                      :      張翼雄律師  


證婚地點                      :      酒樓證婚, 暫定晚上 8:00


婚紗相                          :      Mona Lisa (2009年 3月17 日拍攝)


絲花花球 (FOR 影相用) :   Alice Wedding 訂造


MUA         :    阿儀  (未試妝)         


婚紗晚裝                     :      已 JOIN PACKAGE - 元朗雅麗


新郎禮服          :  同上


媽咪及奶奶衫    :      同上


裙褂        :   同上


晚裝鞋                 :  已買


褂鞋        :   未買


黑/白禮服鞋        :  未定


伴郎及伴娘     :  未定


兄弟團       :  4個


姊妹團       :  4個


兄弟呔       :  未定


姊妹裙       :  未定


婚禮司儀      :  未定


結婚戒指      :  周大福 (已買)

結婚公仔      :  POOH


花球           :  會選擇用絲花


手花襟花      :  訂絲花


簽名布       :  Mona Lisa 及酒樓送


餅咭        :  美心 (美心已買 60張,8月再找朋友幫手買多少少)


花車           : 朋友借


花車佈置      :  未定


24 座                         :  未搵


婚前檢查      :  未 book


場地佈置            :  酒樓提供


請帖        :  酒樓包印


婚宴音樂      :  未定


成長片段      :  未定


回禮小禮物     :  未來姑仔幫手搵人整 Cookies


簽名筆                          :     DIY  


戒指枕                    :    律師借用   


枱號咭及 Menu     :  DIY


紅酒        :  男朋友搵朋友幫手買


敬酒杯       :  酒樓提供


證婚檯                    :  酒樓提供


賓客名單      :  已有大概名單 (約22圍)


座位表       :  未定


當日 rundown         :  未定


Menu                             :     婚前 1 個月CONFIRM


利是封, 囍字貼            :    末買 


敬茶用茶壺茶杯,上頭用品等  : 媽咪會攪


紅色睡衣                       : 遲些先買


龍鳳被                           : 遲些先買



  • 留言者: yvonne
  • Email: yvonnepn@yahoo.com.hk
  • 網址:
  • 日期: 2009-03-11 23:29:00
可能係我的問題..人人找Anson影都ok...我影就出事....
希望你影多d靚靚相





  • 留言者: yvonne
  • Email: yvonnepn@yahoo.com.hk
  • 網址:
  • 日期: 2009-03-11 21:48:00
我都係影monalisa..不過影得唔好..自己要求重影
[版主回覆03/11/2009 22:06:00]咁其實係咪個攝影師影得唔好呢?希望妳下一輯影得靚靚啦! 我下個禮拜都去影啦,好緊張又好擔心,好驚影得唔靚呀,因為我只係會影一輯架咋!





  • 留言者: 法律先生和法律太太
  • Email: yan_yasmine@yahoo.com.hk
  • 網址:
  • 日期: 2009-03-09 09:37:00
加油呀! 睇到你咁打, 我就回味緊自己當初咩都未plan既時候呢^^
[版主回覆03/11/2009 22:02:00]雖然好似好多嘢都未 confirm ,但基本上最重要嘅都定咗,其它濕碎嘢可以慢慢搞呢~

我的絲花花球

參考過好多 Blogger 嘅意見之後


我決定左影婚紗相用嘅花球喇


今日去太子拎埋返屋企添啦


到 3月17號就可以帶去影婚紗相 lu


好期待呀!


 


 


下面呢張係實物,我自己影嘅 ~



 


 


 下面呢幾張係 Alice 做好之後影咗 send 俾我 confirm 嘅





 


 


 


我的結婚公仔

今日放工 Cathy 陪我去金都行下


竟然有意想不到嘅收穫呀    就係買到我嘅至愛 pooh pooh 結婚公仔啦


係咪好靚呢!!



Cathy堅持要送俾我呀   不過‥‥其實我唔好意思收架因為都幾貴


但佢威脅我話唔收就連姊妹都唔做呀   咁我就唯有接受佢嘅厚禮啦


好多謝妳呀 Cat Cat B     又陪我行街   又送份咁靚嘅禮物俾我


 


第一次行金都


話說我地兩個都係第一次去


Cathy 見到 d 婚紗呀、鞋呀、公仔呀等等... 全部都話好靚


攪到佢都好想結婚喎...因為可以試婚紗....


不過佢問咗我一個問題我唔係幾識答佢


佢問我:以我咁嘅高度....d 婚紗一定拖晒地啦..... (因為佢應該係 5' 2" 左右)


我就唯有答佢:著高d 踭嘅鞋咪得囉!


查實唔知身材比較嬌小嘅新娘子,會唔會有細 size 嘅婚紗嘅呢?


還是一定要著好高踭嘅鞋先得?


 


 



  • 留言者: Mag
  • Email: mag_sweet_home@yahoo.com.hk
  • 網址:
  • 日期: 2009-03-20 20:13:00
好靚呀! 其實我都係Pooh Pooh fans, 不過最後都係揀了Forever friends

2009年3月1日 星期日

後記 ... 2009 情人節晚餐

2009.02.14


呢日係我同古古拍拖後的第二個情人節,亦係我地結婚前最後一個情人節,


由於我地就事先傾好咗唔送禮物俾對方,所以就淨係出去食飯慶祝,


古古知道我鐘意食擔擔麵,就帶咗我去黃埔美食坊嘅詠藜園食擔擔麵嘞。




我地叫咗兩碗唔辣嘅擔擔麵,一碗傳統,另一碗就係改良嘅,仲叫咗"楊家小湯包"同埋"一口鍋貼",擔擔麵嘅麵質都過得去,但就冇我地想像中咁好食,唔知係咪我地對佢期望太高呢??



食完麵我地就去揾報紙介紹嘅甜品店 "甜品工房" ,但係我地兩個都唔記得咗响邊個位置呀,加上都好似食唔落咁,最後都放棄咗繼續搵,之後我地再行一陣就搭車返屋企嚕。


返到古古屋企,一開燈就發現咗古古給我的驚喜了,原來佢買咗盒朱古力同埋兩支 wine 同我一齊慶祝呀,仲用金莎朱古力嘅包裝紙親手摺咗兩支花俾我添,呢兩支花雖然唔係 d 乜嘢貴重禮物,但我都好開心好感動呀,因為係古古全心全意為我去做嘅,淨係佢呢份心意我就已經好滿足了。


HONEY~ I Love You.



 


 



  • 留言者: Hello
  • Email: helloll68l@yahoo.com.hk
  • 網址:
  • 日期: 2009-03-03 11:58:00
~飾品批發,少量可批,有圖可用~2
http://www.board.idv.tw/