今晚又是我們一星期一次的約會了，兩個星期前開始，每周星期二晚同兩個朋友去跳舞，我們跳的不是 latin, 不是 jazz ，是健康舞，朋友叫我一起參加時其實有點抗拒的，因為我好清楚知道自己是手腳不協調的，後來她們說沒要緊呀當運動運動就好了，加上是工聯會的課程 合共12堂每堂一小時只收 400多元，不算貴呀，就去玩玩吧~ 運動前先食點東西，這樣才有氣力啦。
今日去新開的 "譚仔" 食米線，見到隔離檯有碗超級大碗的，一碗裡面有 17樣餸，我們order 了一碗三個 share 來吃，再加一個土匪雞翼 及 墨丸米線配酸辣湯底，味道不錯啊，特別是那個土匪雞翼好香口好好味。
上完三堂後感覺不錯啊，一開始先做些熱身運動 warm up，然後做一些不太激烈的帶氧運動，短短半小時已出一身汗很爽呢，接著配合橡筋做一些肌肉緞練的動作，最後在地蓆上做一些伸展動作，做完之後，長期的腰背痛感覺像舒緩了一點呢！希望自己有恆心在家也抽時間多做一些運動吧，對身體會有幫助的，也期望能達到修身的效果呢！
古古今日約咗佢阿妹喺會所打羽毛球，之後再同我食 Lunch，我哋去咗 "嗎哪廚房" ，呢度早餐就試得多啦，午餐都係一次試，上面嗰碟係我叫嘅鮮茄石斑配四色通粉 (搵勻都係得兩色咋) ，下面係古古叫嘅咖哩雞天使麵，冇乜驚喜但就不過不失啦。
簡簡單單食完一餐，古古就去返工，我就去做 Facial ，今次距離上次差唔多隔咗成個月，咁啱我下爬位出咗好多粒暗瘡，老闆娘好有心機幫我清走晒，但就痛到飛起呀，佢話我嘅皮膚改善咗好多，咁我都覺嘅，算係駛咗咁多錢都值得啦，話晒佢 sell 我買嘅 product 真係幾貴吓架 (對於我啲咁慳嘅人嚟講)。
補濕 Cream
洗面、爽膚水及精華素
題外話：話說去到時已經有位小姐在採耳，開頭佢都在講電話的，後來聽見佢開始入睡啦，啲鼻鼾聲大聲到不得了呀，好彩我都忍受得著，到佢走咗之後我都差啲瞓著呀，但我努力控制住自己，因為我都好驚自己也會扯鼻鼾呢！
好期待嘅節目今晚終於有得睇啦，收工即刻過去尖沙咀，古古已經在 charlie brown cafe 等緊我 lu ~
雖則我麻麻地 like snoopy ，但就好鍾意呢度嘅環境，感覺好舒適呢。
今次我地試新嘢，食焗薯同埋 burger 套餐，好味到古古直豎母指呢！
食飽飽行過去文化中心，時間啱啱好。
哈哈，詹 sir 扮女人真係唯肖唯妙架，自問冇佢咁有女人味添呀！！
我同古古都睇得好開心，整晚笑聲不斷，只係有一小段比較悶，但成晚節目差唔多成三個鐘，佢哋真係好努力地帶咗好多歡樂俾我哋架，少少嘅悶場 neve mind 啦~
終於等到 "變形金剛狂派再起" 上畫啦，上網訂咗飛星期六晚同古古去睇，呢個禮拜都算多節目啦掛，星期五晚仲會去睇文化中心睇詹瑞文嘅舞台劇呢，呵呵好期待啊~
嚟緊下個月仲有 Harry Porter 睇啊~
故事簡介
一如上集，導演米高比爾極力將故事劇情、角色造型保密，務求為觀眾帶來最大驚喜，可以肯定的是，新一集由資金、製作規模、CG特技，以至機械人陣容，都會超越上集，更加龐大，更有睇頭！至於影迷最關心的博派、狂派機械人，均會增添全新成員，據悉今集會有化身為電單車的女機械人、化身為雪糕車的孖生機械人，而狂派將有全新奸角「The Fallen」現身，威力比麥加登、星星叫更厲害，可以想像兩派的激戰肯定前所未有的精彩！香港方面已安排與美國同步獻映，絕對是09年暑期的電影盛事。
導演 : 米高比爾
演員 : 沙拉保夫、美瑾霍絲
片長 : 150 分鐘
級數 : IIA
語言 : --- (---)
今朝早同未來老爺奶奶、叔仔、姑仔&男友一齊飲茶，見到未來叔仔 (三少) 終於可以親口恭喜佢啦，因為佢會喺8月註冊結婚，出年再行傳統嘅儀式，即是古古又俾佢細佬爬頭啦，前幾年已經比二少爬咗頭，二少個仔都歲幾就嚟兩歲嚕~
未來奶奶仲同我講笑，話我遲下就係大少奶啦！
飲完茶我哋一行五人去上水探二少個 B ，去到佢屋企咁啱阿 B 瞓咗，但我哋坐咗一陣佢已經醒啦，可能因為未瞓醒初段時間佢連爺爺嫲嫲都唔跟，淨係跟著工人姐姐咋，後來玩熟咗就開始講啲外星語同埋响間屋跑來跑去不知幾開心呀！
離開佢屋企嘅時候佢知道我哋要走，猛攬住佢爺爺唔肯落地，最後跟埋我哋落樓姐姐氹佢話爺爺要揸車抱唔到佢，佢先至肯比返姐姐抱咋，宜家啲小朋友真係好醒目呢！
* * * * * * * * * * * * * * * * * * * * * * * * * * * * * * * * * * * * * * * * * * *
夜晚嗰餐在家玩煮飯仔，有古古鍾意食嘅炒年糕，簡簡單單嘅煎雞翼同埋三色椒，兩條友仔仲開咗支白酒飲，飲完之後勁眼瞓呀！
古古呢個禮拜放正禮拜六日，可以陪足我兩日呀，本來想去迪欣湖行下架，但見天文台預報呢兩日都會落雨，所以最後都冇去到。
收工去沙田新城市廣場 7樓間 "Teppan" 食 Lunch，兩個人食咗客牛肉卷 & 日式咖哩豬扒飯，加錢要多一客餃子，跟餐送嘅蒸蛋好正啊，好滑…好似我塊面咁滑，哈哈！！個甜品食完都唔知係咩嚟嘅，淨係食到士多啤梨醬嘅味道。
食飽飽行出去空中花園行下吸下啲新鮮空氣先 (其實係熱氣囉)，想同佢影吓相，點知佢竟然話呢度個噴水池冇咩特別唔影喎，車‥‥最後咪又係俾我偷影咗幾張！！
Hea 咗一陣之後諗過入去黃金海岸行下，到上咗巴士念頭一轉又決定去麗都灣附近影下青馬大橋，唔知係咪呢排見到好多 Blogger 都提早收到 mona lisa 嘅相所以會諗起青馬大橋呢，點解好似淨係得我係按期先至有相收咁嘅？好唔公平呀，比我遲影、遲揀相嘅有啲都收咗相啦！！
講返正題先，我哋搭巴士去到麗城花園落車，沿著青山公路行過去，大約行咗半個鐘就行到去，都唔辛苦喎，不過就好焗好熱呀，平時好少出汗嘅我竟然流到成條頸都係汗，塊面仲紅晒添，我問古古我咁出汗會唔會瘦幾磅呢呵 (妄想中)
我叫佢跳起俾我影，佢竟然擺個超人 pose 扮跳起，激死我啦~
雖然今日冇乜陽光但風景其實都唔錯架，影到我部相機都冇晒電，後來要用手機添呀！
我哋玩到差唔多六點鐘左右先走，跟著就返入元朗搵食，本來想去新開嗰間 "越棧" 試下，點知門口有勁多人等位呀，都係去返樓上間 "心粥館" 食穩陣啲，呢度啲粥一向好有水準，今次試埋個章魚雞粒竹筒飯，當然唔少得古古最愛嘅糭啦，呢餐好抵食呀兩個餐加埋都係 $81 咋~
前兩日終於收到我哋同阿 Jin 影嘅嗰張大合照啦
喺呢一刻，我嘅眼裡面當然只有你‥‥同埋你兩隻手指啦
你呢隻手，我都捉住 咗幾秒架，直情唔想放手添呀，
真係唔知因乜解究會咁鍾意你， 可能就係鍾意你夠傻啦~
今日上網 search 吓啲旅遊資料，發現原來 11月 - 3月係唔適合去希臘旅行架，因為嗰邊係淡季，小島上嘅居民多數會外出渡假，旅館民宿嗰啲好多都唔開架，而且又係雨季又大風，個天都冇咁藍喎，實在唔太適合 Honey Moon 呢！就係因為咁蜜月地點又要再揾過啦，希臘唯有遲啲先去啦 ~
如果去北海道的話，跟團係咪會舒服啲呢？回程時可以喺東京 stay 多幾日，諗落好似都唔錯喎~ 哈哈，原本今日發覺冇得去 Greece 有啲 down down 哋架，依家諗到有得去日本又開心返晒 lu ~ 其實諗深一層，只要有佢喺身邊，最後去邊都冇所謂啦，我都一樣咁開心架！
今日去接古古收工，因為有免費飛本來諗住去婚紗展行吓架，但諗諗吓我哋都冇乜嘢要响婚紗展 Book 而且過到去都晏啦，所以最後決定唔過去。古古話我咁遠响元朗出嚟冇理由就咁返去架？咁我就提議去海旁行吓啦，但就要先搵啲嘢食吓先，由佐敦行去中港城，開頭想去 Starbucks 點知去到又冇好位坐，咁途經 M 記嘅時候見到足三兩又突然好想食喎，於是轉軚過去 M 記食，不過唔知點解 order 咗兩樣都俾錯呀，明明叫凍 Mocha 就俾杯熱嘅，double 足三兩就俾咗 regular 嘅，難道啲店員都同我哋一樣變咗死聾鬼？？？
食完嘢入咗去海港城，經過啲名店都逼滿晒人呀，一睇就睇得出全部都係遊客嚟嘅，仲要係自由行添，最誇張係 Prada 間 shop 要响門口排隊等，要有人走先再放人入去，唔通啲嘢真係咁平？定係佢哋根本唔需要理會價錢，有錢到睇啱就買呢？
行完海港城出嚟，見到有一艘郵輪停泊咗响度，原來係"忠僕號" 呢，忠僕號於 6月6日至7月4日停留在香港，讓市民上船參觀書展，我哋冇上船參觀啊，影吓相就算 lu ，尖沙咀嘅黃昏景色都唔錯啊~
忠僕號已安排於6月6日至7月4日來港，這是忠僕號第8次探訪這個大城市。較早前於2007年忠僕號訪港時已有超過100,000名市民上船參觀。
今年屈95歲的忠僕號仍然繼續航行於7大洋之間，為的是要把知識、援助及希望帶到世界各地的人當中。過去30年間，忠僕號探訪超過100多個國家，其中包括︰拉丁美洲、非洲、歐洲、中東地區、亞洲以及太平洋島嶼，透過海上書展和跨文化義工計畫提升當地的教育和對國際的認知。
忠僕號建於1914年，比鐵達尼號僅年輕兩年的她是現時世界健力士紀錄大全中歷史最悠久的航行中客輪。於這悠長的歷史中，她曾擔任4個不同的角色︰貨輪、新移民客輪、豪華遊輪和海上書展。她曾於四個不同的國家登記註冊︰美國、巴拿馬、意大利及馬爾他。在成為忠僕號的生涯中，她曾經兩度重新設計及建造。
由1978年開始，忠僕號隸屬於GBA（好書共享）這個位於德國註冊的非牟利慈善機構。
忠僕號是由330個、來自50多個不同國籍的基督徒義工去運作的。船員的平均年齡是18至25歲，而每個船員都很投入地去服侍不同的民族，用實際的行動實踐他們的信心。
淡粉紅色的晚霞好浪漫呢！
原來海旁放咗咁大支火炬响度喎！
返到元朗都仲飽飽哋，所以我哋唔食晚餐 lu ，去咗 "有益甜品" 食糖水，我叫咗鮮雜果豆腐花，古古就叫咗鮮雜果西米露，豆腐花都幾滑啊！
話說我哋開始計劃去 Honey Moon ‧‧‧
我問古古 : 係咪真係可以去希臘架？
佢話 okay 冇問題，因為佢都覺得呢個地方值得去，
咁我又見人哋去希臘之餘會再去埋其他國家，例如瑞士、意大利、法國等等…我就响度諗我哋係咪都可以揀多一兩個國家去呢？
古古話我哋都可以開始計劃吓去幾個 "腳家" ‧‧‧
哈哈‧‧ 乜呢幾個字真係咁難講咩？
講講下最後仲變咗幾個 "腳瓜" 添呢，笑到我抽筋呀，
我唔心息係都要佢講到先俾佢收線，但佢講來講去都係幾個 "腳家" ，連德國、法國都講唔到，只係講到中國，最後都係冇佢符因為佢真係講唔到，我同佢講你咁搞笑嘅，我好想打上 Blog 度呀，佢竟然話好喎‧‧
哈哈，就係咁我哋兩個傻人就笑咗成晚啦！
前兩日終於同公司請咗假啦，原本諗住唔使咁早架，好在多得好友提點，年尾啲假期會好搶手吓，加上我想連住聖誕一齊放，都係請定穩陣啲，計埋公司額外放嘅 3 日婚假 total 請咗 10日，人事部經理好快就批咗，仲恭喜我添！
跟著我就繼續諗 Honey Moon 去邊度好呢？其實一直都係諗住去北海道架，不過係一啲計劃都未有，依家計落有成10幾日假，好想去遠啲呀，唔知12月去希臘會唔會好凍呢？同古古提過吓，佢都冇反對喎，仲話希臘喺地中海應該唔會太凍，咁係咪即係有機會去呢？
愛琴海嘅藍白屋，好想親眼望見到你同你影相啊~
