2009-09-05 (星期六)
今日返半 day，收工之後本來打算返入元朗做 facial 架，但突然想起都係時候要去睇下姊妹裙啦，所以最後出咗去百利逛下，其實心目中都有一間諗著 join 架喇，因為我有姊妹10月結婚，佢幫我地訂造姊妹裙嗰間都幾好，無論價錢、款式、質素都合符要求，到我行完幾轉之後，都係覺得呢間同埋另一間比較 okay ，所以我打算約埋其中幾個姊妹呢個月去搞掂埋呢個項目佢，希望佢地到時都可以開開心心、漂漂亮亮地玩返一日啦。
行到咁上下見時間都差唔多了，由於我未食 lunch 嘅關係，個肚開始 "咕咕" 嚮嘞，咪講笑搵個地方醫下肚先，行冇幾遠見到有間 "味千 " 就中咗入去，下午茶餐 $20幾蚊連嘢飲又幾抵喎，食咗碟豬軟骨炒飯，即刻充滿咗力量呀~
食飽飽正打算行去佐敦接我 honey 放工，見到一個在身邊經過的女仔有啲熟口面喎，再望埋佢隔離嗰位男士，咪係今朝响我 facebook 度回應我 99 days to go 留言而問我 go where 嗰位肥仔強？？上次我同古古喺金都撞見佢女友，今次又俾我响百利附近撞見佢地兩個，唔通佢地又係好事近？喂~老友，有好消息記得早啲通知我地喎！……由於怕佢地唔認得我，加上佢地又行得好快，所以我冇嗌佢地呀，只係打電話俾古古叫佢估下我遇見"冰"個咋 @@
行到去佐敦已經身水身汗啦，立即同古古搭西鐵返元朗，去咗 "泛后甜品" 食腸粉魚蛋，跟著去咗附近單車舖買咗一個單車保護罩用嚟笠著古古屋企 "兩部" 單車，咁就可以將佢地搬落樓下停車場嘞，廚房就可以鬆動好多 lu ~
上個禮拜俾我地發現响元朗戲院個公園仔附近，有一間舖頭有好多紅色喼賣架，今日終於走去買埋我呢樣嫁妝了，呢個款係六輪喼，古古話會好拉啲，第時去滑雪都啱用呢！
今日另一收獲，幸運地終於俾我找到了好多間 trendy land 都冇貨嘅 pooh pooh 公仔，即刻買多兩隻先，咁就可以整 3支 pooh pooh 簽名筆啦，哈哈 ~
由於我地嘅新居唔打算換新牀 & 新牀褥 (舊嗰啲仲好新淨) ，媽咪就話買過兩個新枕頭都得，於是我地買咗兩個 SINOMAX 清涼竹炭枕，古古鍾意佢夠梗身，佢話瞓得健康啲 & 舒服啲呢 ~
今日我地兩個都出血呀，嚟近嘅日子睇怕暫時都止唔到血添喎，希望唔會留血不止啦~又或者睇下有冇好心人捐血俾我地……例如馬會 OR 股票？？
沒有留言:
張貼留言