身體檢查

2010-06-05 (星期六)

約咗今日去家計會做懷孕前檢查，去到填完份 form 就等抽血，之後排期到下個月頭再返去做身體檢查及驗小便，跟著就走得啦。同一段時間有成 6 ~ 7 對夫婦都係做檢查的，大家都為生育下一代而做好準備呢！

有啲後悔點解唔响結婚前就做檢查呢？我同老公講：吓？？又要等一個月後至 check，我會唔會過咗出年都生唔出架？……老公話：唔緊要，一出咗報告就即刻咩囉……希望一切順利啦！

4:00 去咗做 Facial，今日好靜呀，呀老闆娘心情又麻麻地，幫我做機期間一粒聲都冇出呀，跟著好似佢呀女打來又激親佢，好彩我塊面冇事啫……

返到屋企，終於的起心肝落去  club house 做咗兩個鐘運動，個場得我一個人咋，大家應該返晒屋企睇大結局啦，自己一個人邊做運動邊睇荃家福錄壽，一條友自己响度笑，好白痴呀！！