2010-11-13 (星期六)
做咗古太 11個月啦‧今日同老公行街、睇燈飾、食飯慶祝‧
收工後去咗沙田影下相，再就啱時間等老公收工‧
去咗中港城許留 "爭" 飲嘢，我好乖無飲凍嘢呀‧‧
老公就飲芒椰奶西‧‧我好耐無飲過啦，好想飲。。
飲完嘢行咗出平台，欣賞下維港風景，見到有幾 pair 新人喺度影相，好幸福啊。。
第一次同老公行呢度，接近日落時份嘅景色真係變化萬千呀。。
行返出去九龍公園，喺玫瑰園又影咗一陣相。。
開得好燦爛嘅玫瑰花。。
下一站，海港城
正所謂：一個海港‧只有一個海港城‧哈哈 (超無厘頭)
上一輩嘅人通常約人哋响 5支旗桿等，係咪就係呢度呢？？
海港城真係任何時候都咁多人架！！
今年嘅燈飾我覺得好靚啦。
好有節日及 Party 氣氛。。
好多唔同款式嘅蛋糕。。
仲有應節嘅薑餅人添‧‧‧
欣賞完咁靚嘅燈飾，我哋去開餐啦 ！
沒有留言:
張貼留言