209-01-29 (星期六)
今日老公放假
去咗 Rome Italian Cafe 試下個 Lunch，
我點的是煙豬柳 ，老公的是紐西蘭肉眼。。
我同老公一致覺得，呢度嘅裝修、氣氛、食物及服務都在水準以上，
價錢在同區來說也是中上，可以接受，亦可以再試。。
夜晚買左 Pizza 返老爺奶奶度食。。
過幾日就過年啦，呢個 "花開富貴" Pizza 真係夠晒應節。。
三少仔仔~樂樂 B 今日都返左黎啦
唔見兩個星期，又大個左好多呀
表情多多兼開始撩人講嘢啦
食完飯，同老公去行花市，諗著年廿六應該無咁多人啦
原來唔係喎，都幾多人架，好熱鬧，
又見到最愛的 pooh pooh 。。
真假財神爺，希望今年財源廣進，中六合彩兼加人工啦。。
雞蛋仔汽球又做得幾似喎。。
哈哈，最後我有收獲呀，
老公送左隻兔兔比我，
超鍾意呀。 。
兔兔 …… 出年就係我地嘅世界啦 ~
Hello~ 我叫 "Tiramitu" 提拉米兔呀, nice to meet you.~
沒有留言:
張貼留言