2011-02-08 (星期二)
今日年初六，亦係老爺生日，夜晚一家人去酒樓食飯同老爺慶祝。
日間。。。問阿哥借咗架車，同老公去咗粉嶺香薰園同埋白泥。。。
位於粉嶺嘅香薰園，環境清優，內裡設施好適合一家大細，呢度可以在賞花、摘士多啤梨、燒嘢食等等。。。仲可以餵羊仔、餵魚仔龜仔。。。入場費只係 $8/人
在入口不遠處養了一群山羊，仲有山羊 BB 添，佢地不停咩咩叫，唔怪得叫羊咩咩啦。。。哈哈 ~ 記得幾個月前同媽咪阿哥來過一次，媽咪見到啲羊不知幾開心呀，好似小朋友咁，跟著佢地咩咩叫。
鯉躍龍門？？老公捕咗好耐至影到呢張相~
呢個安裝在樹上鞦韆原來只 for 影相，唔可以盪架，但我係影完呢張相先發現囉~！！
好喜歡這裡的薰衣草，上次老公無來到，今次趁佢啲花開得咁靚，一定要再來影多啲靚相啦。。。
哈哈，呢張蝴蝶係我影架，好鍾意！
第一次見仍掛在樹上的茄子。。
玩到 3 點幾，準備要出發去另一個地方啦。。。
臨走前食咗碗豆腐花，好滑好好味~
下一站。。。白泥觀賞日落美景
沒有留言:
張貼留言