2011-08-06 (星期六)
趁老公今日放假，下午去咗護協格價，聽好多人講，喺護協買 BB 用品比起出面各大公司減價仲要平，咁啱姑仔又係護士，有會員證，我哋就可以買平嘢啦。
今日去只係先格下價，聽日再去埋 BB 展比較下，睇下邊度平啲再決定，反正依家都只係5個幾月，有足夠時間去準備。
上到去護協，其實地方唔係好大架咋，不過貨品都算幾齊全，基本上想買嘅嘢都可以喺度搵到，價錢的確比出面平。
見到好多爸爸媽媽都買咗好多嘢，好似唔使錢咁，所以話呢，生個 BB 真係要用唔少錢架，好彩我起碼有床仔 & BB車唔使買咋，可以慳返唔少呢 ^^
沒有留言:
張貼留言