港女發狂之港男發瘟（加場）

今日睇報紙無意中發現一個廣告，詹瑞文又有新搞作啦，即刻打電話俾我 Honey 古古問佢有無興趣睇，因為古古一直都好欣賞詹瑞文架，之前 "男人之虎" 都有打算睇架但買唔到飛，佢話好有興趣呀咁我就上去 Cityline 試下訂飛啦，點知 d 飛非常好賣，三場都只係剩返貴價飛嘅單丁位，好在佢已經極速地加開 26-28/6/09 三場，聽朝早 10:00 公開發售，等我聽日努力啦

節目詳情:

詹瑞文林奕華全新發癲之作
詹Sir徒手變出法官,檢控官,律師,陪審團,庭警,臥底……
還原港男港女81+81 宗罪
男方指控：
非法禁錮﹣自己病咗要24小時服侍，條仔病又唔理!
非法經營銀行業務﹣同個男人一齊第一件事係幫佢「保管」存摺!
女方指控：
非法藏有爆炸品﹣銀包有十張咭，張張都爆晒!
遊蕩﹣所謂去街其實係帶條女落公園行!
同場加演港女證人遲到被拒出庭大鬧走廊實況　
密切留意必點合唱情歌《唱衰你鬧臭我》MV