古古今日請左假，本來要去拜山架，但因為佢姑姐攞唔到假，咁就唯有改期啦！於是乎，古古呢一日就可以全日陪我啦！
之前一晚，我已經計劃好先去赤柱，再去石澳的，但到左今朝早我地好晏先起身，所以最後決定只去石澳好了。坐西鐵轉地鐵出中環，中途有一對公公婆婆上車，我地就讓坐俾佢地，直到佢地落車後，我就同古古講到左佢地嘅年紀我地都要好似佢地咁恩愛，手牽手一起去街街架，古古佢應承左我，這是我們的約定啊！
去到中環先發現原來中環係冇巴士去石澳架，打電話問南南，佢教我地去筲箕灣搭 9 號巴士，咁我地就 "喳喳林" 坐地鐵過去，中途經過古古以前返工嘅地方 "立法局" ，佢話遲 d 叫南南帶我入去參觀下喎！
轉來轉去終於都去到石澳啦 ~
由大街行入去石灘，沿途嘅景物都好熟口熟面呀，因為 "馬仔" 同埋我同事 B 都係响呢度影婚紗相呢！
好喜歡這條藍色小橋呀，如果有部單鏡反光機在手就好啦！
山上面舊石好似豎起的三根手指呢！
哈哈‥‥舉高手影相係咪影得我對手臂冇咁粗呢？
超級喜歡這一道橙色的牆呀，其實係住宅黎架，屋住仲喺門外掛住 "請勿拍照" 的牌呢？不過都冇咩人理照拍可也 (包括我地) ，因為實在太 sharp 太吸引啦！
出番去筲箕灣坐 " 叮叮" 過中環，轉港鐵番入去 YL 搵食，去左古古鐘意嘅意大利餐廳 "祖凡尼" ，我地 order 左牛柳餐、芝士肉醬千層粉、燒排骨等三樣嘢，好好味呢！
食飽飽我地就散步返屋企，行行下我問左佢一個問題：「結左婚之後你會點叫我架？」
古古：「好多種嗌法架喎，有 Honey 啦、Darling 啦、森森啦‥‥」
我：「咁你會唔會叫我做老婆呢？」
古古：「會呀，但妳怕唔怕我叫到妳老晒吖？」
我：「唔怕呀，我鐘意你叫我做老婆呀！」
古古：「呀，仲可以叫妳做大少奶呀！」
我興奮地回應：「好呀，好似好架勢堂咁呢！
哈，因為古古係大仔，所以我是名符其實的未來大少奶呢！呵呵呵‥‥！
沒有留言:
張貼留言