2009-07-16
今晚去咗荃灣廣場間百老匯睇 Harry Porter，經過荃灣大會堂嘅行人天橋，見到有啲東亞運動會嘅 Banner ，12月5日至13日在香港舉辦喎，最尾一日就係我地嘅大日子啦！
仲有經過如心廣場，萬一比阿四萬陳 X 聰打贏咗單爭產案，呢坐 Building 係咪就歸佢所有呢？
睇戲前去咗 "味千拉麵" 開餐，最愛嘅 "豬軟骨拉麵" & "咖哩吉烈豬扒拉麵" 都好好味啊~ 另外試咗個唔記得咩名堂嘅腸，普普通通啦唔可以好好食，而重點係唔抵食丫，成廿幾蚊得 2條咋，早知試其他嘢啦！
今集 Harry Porter 麻麻地咋，冇我想像中咁好睇，可能我期望太高啦，中段講愛情都幾悶下，我 friend 仲話其實可以 cut 晒佢都得，正如影評所講，呢集應該係為下一集大結局鋪排的，咁唯有希望下一集更精彩啦！
睇完戲再去滿記食糖水，我地响碗合桃芝麻糊度畫咗個心心呀，係咪講咗都睇唔出呢？哈哈~ 仲有食埋好好味嘅榴槤 Pancake，比著以前我真係聞到榴槤陣味已經頂唔順啦，估唔到依家竟然敢放膽食呢！
沒有留言:
張貼留言