Week 32 day 4 第九次政府產檢

2011-10-28 (星期五)

 

又係兩星期一次的產檢，

今日約咗 10:00 am，

9點零鐘喺屋企慢慢行過去，

今次無嘆早餐啦，

買咗個包去到食就算啦，

 

去到早咗10分鐘，响樓下休息一陣先上去攞籌，

希望今次量血壓一次 OK 啦。

 

驗小便、量血壓順利 PASS 咗，

但磅重真係比上次輕咗 1kg 喎，

見姑娘嘅時候姑娘都奇怪點解我會輕咗‧‧‧問我有咩原因。

我解釋佢知因為上次重得太多，所以呢兩個星期進食份量少咗，

特別係澱粉質。。。

姑娘再睇返我整過懷孕過程，其實都重咗 18磅，

而且 BB size 同週數又吻合，整體係 ok 嘅，

但循例都要見下醫生 check 清楚。。。

 

到見醫生啦，醫生又問我點解會輕咗，

佢都話其實整體重量係達標嘅，

仲叫我唔使太擔心，可以隨心所慾咁食嘢，

只要唔好過量就得嘞，目標係每星期重 0.5 kg 左右，

太好了，見完醫生即刻放心晒啦。

 

檢查約咗媽咪同佢啲朋友一齊飲茶，

飲完茶買咗兩件衫 & 一對鞋比自己，

因為開始轉季啦，以前好多衫都著唔到了。

又買咗樽 Vaseline，護膚露 及 退熱貼比 BB，

 

最後買咗啲餸準備今晚自己煮，

有咗之後都好少煮飯啦 (雖然有之前都唔係成日煮)

今晚就簡簡單單煮返餐啦。

糖醋排骨

鮮帶子魚肉炒蘆筍

魚肉蒸醸豆腐