Transformers @ Olympian City's Broadway

由於上一集變形金剛超好睇，續集上畫我地當然要先睹為快啦，避免咗排長龍買飛，我選擇咗網上訂飛，俾多幾蚊都值得呀 (其實係我懶!)

未夠鐘入場先去吃飯啦，去咗 "魚米家" 魚腐米線好好味，再 order 咗個下午茶餐，中西合壁又似早餐嘅配搭，好搞鬼呢！

喎？原來奧海城都有得打保齡 bo ，下次約埋阿大去玩都好喎。

同場見到 harry porter 嘅宣傳牌，好嘢下個月就有得睇啦，呢集應該都幾精彩架，但係鄧不利多會死呀！

成場戲冇悶場，博派同狂派機械人打來打去好精彩，但學影評咁講個故事就薄弱咗啲，純粹睇佢啲特技同埋柯柏文就好正嘅~

睇完戲返入元朗，肚仔有啲餓添，見西鐵站有間 "大雞大" ，於是買咗件 BB 雞返去食，好香口不過都幾熱氣架，好彩食完冇喉嚨痛啫！