2011-03-27 (星期日)
上星期飲完 7 劑中藥,因為仲未來經,所以今日再去覆診,
如常地把脈、看舌頭‧‧‧
醫師話我條脷震,多脷苔,即係體內仲有風同埋有痰喎,
我話唔覺有痰 bor,阿醫師就解釋比我知,喺中醫角度,痰係有份有形 & 無形嘅,有形即係平時咳嘅時候在喉嚨嘅痰,而無形嘅呢就係停留喺身體其他地方嘅黏液,如果留咗喺子宮就會影響成孕機會,所以佢再開多 7 劑藥比我,主要用於化痰、補身。
我又再問醫師,飲咗2星期藥,我嘅身體狀況有無好啲,佢話好咗好多,兩脈比前兩次穩,面色、精神都好好多,暗瘡、腰痛就仲差小小,所以呢個星期嘅飲食都要繼續以清淡為主,唔可以偷食煎炸嘢。。
繼續努力加油,希望短期內都無 M 到,咁我地即係食糊啦。
沒有留言:
張貼留言