2011-04-10‧‧ 中醫調理進度

 

2011-04-10 (星期日)

 

今日又去黃醫師度覆診，同佢報喜之後佢叫我唔好開心得太快，接下來嘅日子仍然要事事小心，佢話我持續有改善，但都係要繼續飲補藥安胎，今次都係飲 7 劑啦，下星期再去覆診。。真係有啲佩服自己咁有恆心煲中藥架，原來當你有強大動力嘅時候，真係好多嘢都可以克服到架，就好似飲食習慣咁丫，以前每日都要飲奶茶、汽水，鍾意食魚生、香口嘢等等‧‧我依家都完全戒清啦，老公都讚我叻呀。。而家知道有咗小寶寶之後更加要食多啲有營養嘅嘢啦，高熱量零營養的儘量唔食。

 

呀，仲有‧‧今次我帶埋家姐去睇呀，佢話呢排瞓得唔好喎，醫師開咗 5劑藥比佢，希望可以幫到佢啦。