2011-04-12 (星期二)
今日，韓國供應商 Ashley 打電話給我傾談公事， 期間閒聊了幾句，好問我最近過得好不好，我跟她說最近蠻開心的，她好像有第六感一樣，問我是否有好消息，我就回她說：妳怎麼知道？？她馬上就猜說：妳懷孕了嗎？？哈哈，可能自己實在太開心了，雖然知道唔應該太早公開的，但我都承認咗啦，她很替我開心呢。。
可能同佢傾得太開心，有些得意忘形了，同事 I 也聽到了一點點，轉頭就問我係唔係有好消息，佢知唔知得喎！ 哈哈，我就答佢話唔講得啦，佢當然已經 sense 到啦，畢竟佢已經係三子之母啦嘛，佢都好替我高興啦。。
哎‧‧‧由今日開始要再低調一些先得啦，為咗寶寶著想，平穩地過咗呢段高危時期先啦。。 寶寶，我哋要一起努力加油啊！！
放工去咗商務睇書，睇咗好多本關於懷孕嘅書啦。
最後買咗一本 "孕婦必讀安胎書" ，另外又買咗一本日記，用嚟記下我同寶寶這 280 天的奇妙歷程，一來日後可以重溫返呢段一生難忘嘅美好日子，二來將來可以比寶寶睇返佢喺媽媽肚裡面一日一日長大嘅點滴啦。。
沒有留言:
張貼留言