2011-04-17 ‧‧中醫調理進度

2011-04-17 (星期日)

自從上星期知道有咗之後‧‧‧

醫師叫我繼續飲安胎藥，仲叮囑我唔可以掉以輕心，因為頭嗰三個月係好關鍵架，樣樣嘢都要好小心先得，情緒亦唔可以起伏太大，一定唔可以冷親，因為食緊補藥係唔可以病架，咁對我同埋 BB 都會有好大影響。。生冷嘢、凍嘢、寒涼嘢、熱氣嘢全部唔食得唔飲得，清補涼湯、生薏米更加絕對唔可以掂。。為咗寶寶，我一定會乖乖哋聽話架！

 

今日去覆診，拎返上次嗰四劑調經藥比醫師，因為有咗所以唔可以飲啦。。

醫師問我有冇咩口味嘅變化，我話未有呀，不過呢幾日個胃都好唔舒服，頂著頂著咁好多胃氣，佢話我應該係食得過飽或者吹到風而引致腸胃不適，我就話呢排都唔會食得好飽丫，平時都係食菜、肉、蛋等等，佢話食蛋過多都會滯胃架，可能真係食得過量左都唔定啦，以後真係要小心飲食先得啦。。

醫師繼續開 7劑安胎藥比我，今次條藥方調整咗少少，幫我改善下腸胃不適嘅症狀。

 

寶寶：媽媽為咗你，就算飲幾多苦茶都唔會怕架，苦中一點甜丫嘛！何況媽媽有咗你，何止一點甜丫，簡直係甜到入心呀，好期待 5月5日同你第一次見面！到時爸爸媽媽就可以見到你架啦！